web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca përballë Xhelal Mziut/ Mos ngrini flamujt e PD-së dhe PS-së, ngrini flamurin kombëtar

23 Prill 2021, 14:25, Aktualitet CNA

Biznesmeni Gjergj Luca ka mbledhur banorë të një fshati në Elbasan me të cilët është bashkuar për të ndërtuar rrugën, pas ngjarjes së ndodhur në qytet ku mbeti i vrarë një person nga truproja i Gazmend Bardhit.

Luca i gjeti banorët me flamujt e të dyja partive më të mëdha politike në vend ku edhe u revoltua.

Biznesmeni i tha që të ngrenë flamurin kombëtar dhe jo të partive pasi ato iu marrin vetëm votat dhe pastaj i braktisin.

?Të gjitha partitë kanë një lider dhe pas një lideri një masë njerëzish që e fillojnë përpunimin që të vegjël. Dhe ajo masë njerëzish që jeni ju që mani flamujt e partive ju jeni ata të zhgënjymit. Sepse kanë edhe një pjesë tjetër njerëzish, lakenjt, të dyja partitë e mëdha që u rrinë nga mbrapa. Dhe ata lakenj që rrinë nga mbrapa, rrinë për të zvogëluar këtë flamur liderve. Sepse sa vijnë në pushtet kapin vendet e punës për me ju grabit ju, për me na grabit ne, për me na ardh te dera mos me na lënë me punu; për të thënë jena demokrat, jena të mëdhenj?, tha Luca.

Më tej biznesmeni shtoi se vendi ndodhet në një situatë të keqe dhe se njerëzit janë të avcaruar shumë me partitë politike, ndërsa thekson se do u kërkoj komunitetit votën për flamurin kombëtar dhe të ardhmen e Shqipërisë.

?Unë erdha në moment të keq se Elbasani ky vend këtu po gjithandej dëgjojmë njerëz të acarum, njerëz të dëshpërum. Këta njerëz të acarum e të dëshpërum që këta mundohen për me na i promovu dhe këta njerëz që I dhemb shumë shpirti për këtë vend, kanë 30 vjet që nuk i ka thënë kërrkush punambarë. Kanë 30 vjet që ju cakarisin ju, cakarisin gjithë dynjanë. Ka 30 vjet apo jo. Tashti mbrëmë I thashë kryeplakut që ju ka ardh kush me ju fol.

Më tha: jo. I thashë a më pranoni mua dhe filloi tu qesh. Patjetër më tha të pranojmë. Më ngel fjala këtu kur shof këta flamuj për atë zot. Dhe në këtë fshat këtu ku nuk ka ardh kërkush me ju kërku votën unë shof gjithë këta flamuj, dhe gjithë historia e këtyre flamujve që dalin dy muaj para zgjedhjeve për të treguar sa të zellshëm jemi ne te partitë zhduket humbin. Dhe për ne mbet ky flamuri këtu. Unë kam ardhur këtu me ju kërku votë për këtë Flamur.

Me ju kërku për mos me e shit votën tuaj. Por me ju kërku mos me ndëgju këta horra. Por me dëgju shpirtin tuaj për me nigju të vërtetën, me pas forcë me e pa të vërtetën në sy. Dhe e vërteta është puna. Nuk është asgjë tjetër. Dhe ky vend ka për tu bë dhe ta mbaj lart këtë flamur gjithë jetën vetëm duke besuar të vërtetën, duke pranuar të vërtetën dhe duke punuar, dhe jo me prralla dhe me rrena. Për kët mesazh kam ardh. Nuk kam ardhur për ndonjë mesazh tjetër?, tha Luca./CNA.al





Lajmet e fundit nga