E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Dy tifozë e paguajnë shtrenjtë, futen në telashe të mëdha falë derbit... Tirana-Partizani

16 Dhjetor 2020, 18:10, Sport CNA

Në 29 shkurtin e shkuar Tirana mundi Partizanin me rezultatin më të thellë në derbet e viteve të fundit. Takimi u mbyll 5-1, ndërsa dy tifozë e kanë paguar disa fish si festën dhe mërzitjen në stadium, duke rrezikuar madje edhe burgun. Ja rastet e dy tifozëve, njëri i Partizanit dhe tjetri i Tiranës që kanë hyrë në telashe falë futbollit dhe më saktësisht derbit.

Shtetasi A. M., pas golit të tretë të Tiranës ka kapërcyer xhamin ndarës dhe është futur brenda rrethimit të fushës duke tundur një flamur të Tiranës dhe duke krijuar një situatë që nëse vazhdonte do të pengonte zhvillim normal të aktivitetit. Nga ana e punonjësve të policisë është bërë kapja dhe shoqërimi i këtij shtetasi në ambientet e Komisariatit të Policisë nr. 1, Tiranë. Nga ana e punonjësve të policisë është shoqëruar edhe i pandehuri M. U., tifoz i Partizanit.

Ai ka qenë duke mbajtur një flamur dhe pasi është bërë goli i tretë nga futbollistët e Tiranës, ka hedhur në drejtim të fushës shkopin e flamurit.

Shtetasi M.U., duke hedhur sende të forta në stadium gjatë zhvillimit të aktivitetit sportiv, ndeshja për kampionatin kombëtar ndërmjet ekipeve të Partizanit dhe Tiranës, ka konsumuar elementët e veprës penale ?Veprime të dhunshme në aktivitetet sportive?, parashikuar nga neni 274/ b/3 i Kodit Penal.

Shtetasi A. M., duke u futur brenda rrethimit të fushës gjatë zhvillimit të aktivitetit sportiv, ka konsumuar elementët e veprës penale ?Veprime të dhunshme në aktivitetet sportive?, parashikuar nga neni 274/b/1 i Kodit Penal.

Pas shoqërimit në komisariat, Prokuroria i ka proceduar penalisht dhe gjykata i ka dënuar dy tifozët. Më saktësisht, shtetasin M.U. për veprën penale ?Veprime të dhunshme në aktivitete sportive?, parashikuar nga Neni 274/b/3 i Kodit Penal, gjykata e ka dënuar me 6 (gjashtë) muaj burgim, por meqenëse tifozi ka kërkuar mëshirë nga gjykata, dënimi i tij është pezulluar.

Shtetasi A.M. është dënuar për veprën penale ?Veprime të dhunshme në aktivitetet sportive?, të parashikuar nga neni 274/b/1 i Kodit Penal. Gjykata shtetasin në fjalë e ka dënuar me 40 000 (dyzet mijë) lekë gjobë që duhet ta paguajë për një vit. Edhe për këtë shtetas është aplikuar ulja e dënimit meqenëse ka kërkuar mëshirë dhe e ka pranuar fajin para gjykatës.