web counter
LEXO PA REKLAMA!

SHKARKO APP

App Store
Google Play

E fundit!

x

“Trajtimi i sëmundjeve kronike po lihen jashtë fokusit”/ Mjeku tregon si ulet përhapja e Covid

14 Nëntor 2020, 15:44, Aktualitet CNA

Ish drejtori i Institutit të Shëndetit Publik Besnik Jakaj komentoi situatën e krijuar në vendin tonë si pasojë e Covid-19.

Jakaj theksoi se pacientët të ndryshëm të infektuar me Covid-19 nuk mund të mjekohen dhe të trajtohen një lloj, duke shtuar se momentalisht të gjithë po mjekohen hipotetikisht.

?Pacientin duhet ta shikojë mjeku dhe nga pikëpamja klinike dhe me syrin klinik, por edhe nga pikpamja e analizave laboratorike. Nuk ka ende një protokoll të caktuar apo një bar kundër Covid-19, kur diagnostikohesh. Ka mjekim simptomatik dhe monitorim të vazhdueshme të pacientit. Pacinetët kanë prekje të ndryshme në organizëm nga virusi dhe mjekimi duhet të bëhet mbi këqyrjen që u bën mjeku qytetarëve dhe në bazë të analizave laboratorike. Të gjithë jemi duke u mjekua hipotetikisht. Protokolli Covid, nuk ka paketë Covid është në varësi të simptomash. Lidhet me historikun e sëmundjeve e pacientit, dy të sëmurë me Covid, nuk kanë prekje të njëjtë.

Unë si mjek shqetësohem më shumë për efektet anësore që mund të kenë qytetarët sesa kostoja e kurimit. Sars Covid nuk është një sëmundje e patrajtueshme, mjafton të ketë personel mjekësor të mbrojtur dhe të paguar mirë, mund edhe të trajtohej në spitalet Rajonale. Trajtimi i pacientëve në spitalet rajonale nuk do të krijonte këtë hinkë në spitalet covid dhe nuk do të krijonte këtë panik në popullatë që presin me orë të tëra në ambulancë. E gjitha është një keq menaxhim.?- tha Jakaj për ?Fax News?.

Më tej Jakaj foli edhe në lidhje me masat e ndërmarra nga qeveria për parandalimin e përhapjes së infeksionit, ku tha se është pro masave. Po ashtu ai shtoi se kufizimi i orarit është një masë më tepër sensibilizuese sesa, një masë për të ulur virulencën.

Mjeku tha se ajo që e ule infektimin në popullatë është tiriada e famshme testim, gjurmim , dhe mjekim në kohë. Sakaq më tej ai u bëri thirrje institucioneve që të mos lënë pas dore trajtimin e sëmundjeve kronike.

?Nuk është e mjaftueshme është një masë, unë nuk kam qenë kundër masave. Mund të ishte dhe orari më i afërt, nuk jep efekt por është një masë sensibilizuese për të vënë në alert qytetarët që duhet të ruhen sa më shumë. Kjo masë nuk e ul as virulencën as mundësinë e infektimit, ajo që e ul është triada e famshme, Testim-Gjurmim dhe trajtim në kohë. Si do të fillojmë mjekimin pa testime.

Dua të bëj një thirrje të mos nxjerrin jashtë fokusit trajtimin e sëmundjeve kronike, pasi dëmi në shëndetin e popullatës do të jetë shumë herë më i madh se sa i pandemisë. ?- tha Jakaj. CNA.al/ 

 

 





Lajmet e fundit nga