web counter
LEXO PA REKLAMA!

SHKARKO APP

E fundit!

x

Zbuloi vrasjen e të rinjve/ Artan Hoxha: Uroj që kanabisi i vitit parazgjedhor, të mos shkaktojë viktima tjera

8 Tetor 2020, 17:59, Kronika CNA

Mbrëmjen e katër tetorit, gazetari Artan Hoxha dha lajmin për zhdukjen e tre personave në Malësi të Madhe, që dyshohej se ishin vrarë për shkak të parcelave me kanabis.

Pas disa ditësh kërkimesh intensive, ditën e sotme policia gjeti trupat e pajetë të Vilson Cutajt dhe Klement Pepajt, rreth 250 metra larg parcelave me kanabis.

Pas këtij lajmi, ka ardhur sërish reagimi i gazetarit investigative të kronikës, i cili deklaron se ajo që ai tha rezultoi të jetë e vërtetë.

Hoxha uron që kanabisi i këtij vitit parazgjedhor të mos shkaktojë viktima të tjera, ndonëse paralajmëron se s?mund të ndalojë blerjen e mandateve të deputetëve me paratë e trafikut.

?Ja pra që paska patur edhe krisma, edhe viktima, edhe parcela me kanabis, edhe kanabis të grabitur, edhe polici që nuk gjente dot jo vetëm parcelat me kanabis, por as kufomat e narkokulturës..

Policisë ju deshën 5 ditë për të provuar atë që e kam shkruar që të dielën e kaluar. Dhe sigurisht, ajo puna e ?motivit të dobët? që ?rrodhi? nga burime policore, një ditë pasi publikova lajmin, besoj tashmë është e qartë….

Motivi i krimit paska qenë me ?aromë dehëse? dhe ?parcela të shëndosha?… Ngushëllime familjarëve, për jetët e humbura të dy djemve të rinj…

Uroj që kanabisi i këtij viti parazgjedhor, të mos shkaktojë më viktima njerëzore. Edhe pse nuk do t?i ndalojmë dot paratë e narkotrafikut, të blejnë mandate deputetësh për Parlamentin e ardhshëm…?, shkruan ai në rrjetet sociale./ CNA.al





Lajmet e fundit nga