web counter
LEXO PA REKLAMA!

SHKARKO APP

App Store
Google Play

E fundit!

x

Braktisi Bjellorusinë pas 10 ditëve burg/ Aktivistja opozitare bjelloruse tregon si shkoi në Poloni

6 Shtator 2020, 10:35, Kosova & Bota CNA

Protesta të mëdha pritet të mbahen përsëri në Bjellorusi duke kërkuar dorëheqjen e presidentit Aleksandër Lukashenko. Ditën e djeshme agjentët e sigurisë në kryeqytetin Minsk arrestuan dhjetëra njerëz, kryesisht studentë.

Ndërkohë, aktivistja e opozitës Olga Kovalkova tha dje se ishte nisur për në Poloni pasi ndryshe do të ishte përballur me një burg të gjatë po të mos kishte rënë dakord të largohej nga Bjellorusia.

Kovalkova tregoi se forcat e sigurimit e kishin çuar atë në një pikë kufitare ku ajo ishte në gjendje të hipte në një autobus për në Poloni, pasi shoferi e identifikoi atë.

Zëdhënësi i kryeministrit polak Mateusz Morawiecki tha se vendi i tij do të ofrojë mbështetje për viktimat e shtypjes në Bjellorusi.

Protestuesit, aktivistët e të drejtave të njeriut dhe vëzhguesit thonë se policia e trazirave po shtyp brutalisht marshimet paqësore.

E diela është bërë dita kryesore për demonstratat në rrugë që kur filluan tubimet edhe pse policia ka bërë përpjekje të vazhdueshme për të frikësuar njerëzit që drejtohen në qendër të qytetit, ndërsa arreston ata që marrin pjesë në demonstratë, raporton BBC.

Muajin e kaluar, udhëheqësit e BE ranë dakord të vendosnin sanksione, përfshirë ngrirjen e aseteve mbi zyrtarë bjellorusë ende pa emër, të përfshirë në manipulime të pretenduara të zgjedhjeve, brutalitet dhe burgosje të protestuesve. Sanksionet e sakta janë ende duke u përpunuar.

Lukashenko ka mohuar çdo akuzë për manipulim të votave. Ai ka fajësuar disa kombe të BE, në veçanti Poloninë dhe Lituaninë, për përpjekjen për të detyruar ndryshimin e regjimit.

66-vjeçari, mbështetësi kryesor i së cilës është Rusia, ka premtuar të mbrojë Bjellorusinë. Të enjten, ai tregoi se ishte i hapur për t’u afruar me Rusinë, duke thënë që protestat “na kishin shtyrë të bënim përfundime përkatëse”.

Të paktën në dy raste ai është fotografuar afër vendbanimit të tij në Minsk duke mbajtur një armë dhe i rrethuar nga personeli i tij i armatosur rëndë./ CNA.al





Lajmet e fundit nga