web counter
LEXO PA REKLAMA!

SHKARKO APP

App Store
Google Play

E fundit!

x

"Ndryshimet në Kodin Penal antidemokratike"/ Përmeti thirrje kolegëve: Mos shkelni dinjitetin tuaj

16 Prill 2020, 09:13, Politikë CNA

Ashtu siç kishte paralajmëruar, deputeti i Bindjes Demokratike Andi Përmeti ka bojkotuar seancën parlamentare, për shkak se i kanë hequr të drejtën e fjalës.

Në një postim në rrjetet sociale, Përmeti ka publikuar fjalën që do të mbante po të ishte rezent në seancë.

Ai deklaron se sot po shfrytëzohet gjendja e jashtëzakonshme, për të shpikur dhe miratuar disa ndryshime antidemokratike, totalitariste.

Deputeti thotë se ndryshimet e Kodit Penal për rastet e epidemisë dhe gjendjes së jashtëzakonshme po votohen në shkelje të Kushtetutës, saktësisht nenit 83 në lidhje me nenin 81, që ndalon ndryshimin e Kodeve me procedurë të përshpjetuar.

“Gjatë këtyre ditëve kam dëgjuar argumentat e të zënëve në hall nga deklarimet në Facebook të kryeministrit. Të zënët në hall deklarojnë se nuk është procedurë e përshpejtuar, duke qenë se disa ndryshime pa asnjë lidhje me këto nene dhe këtë përmbajtje, janë kërkuar që në janar. Gënjejnë dhe shkelin ligjin në mënyrën më të turpshme! Në janar janë kërkuar disa ndryshime në Kodin Penal për dhunën në familje dhe me preteksin e dhunës në familje, qeveria ka shtuar pa asnjë lidhje me dhunën në familje dy nene të cilat i ka depozituar në datën 8 prill dhe i ka votuar pa asnjë diskutim publik me datën 14 prill. 1 javë për të dhënë dënime deri ne 15 vite. Kjo procedurë ishte aq e përshpejtuar saqë 81 faqe me komente na u vunë në dispozicion me email në dt. 14 prill ora 01.00 e natës, 9 orë para votimit, dhe përsëri ju i votuat ndryshimet duke na vënë përpara një precedenti shumë të rrezikshëm dhe antidemokratik: “precedentin që në çdo diskutim për ndryshim Kodi që do kërkohet, edhe kur janë ndryshime të nevojshme dhe të mirëpritura , ju disa ditë para miratimit do shtoni një ose dy nene në mënyrë të fshehtë e të përshpejtuar ,duke i miratuar ato dhe duke i justifikuar se kjo nuk është procedurë e përshpjetuar.” Për ta bërë më të thjeshtë për publikun: Dy deputetë socialistë kërkojnë një forcim të dënimit për trafikim të lëndëve narkotike dhe mbas një diskutimi publik disa mujor, të gjitha palët bien dakort për nevojshmërinë e këtyre ndryshimeve dhe vetëm disa ditë para miratimit të dakortësuar, në mënyre të njëanshme shtohet një nen për agjitacion propagandë dhe justifikohet me fillimin e procedurës për kërkesën për ashpërsimin e luftës ndaj narkotikëve”, shprehet ai.

Përmeti e cilëson si çmenduri dhe akt antidemokratik shumë të rrezikshëm për demokracinë shqiptare këto ndryshime, ndërsa bën disa thirrje për kolegët.

“Si fillim kolegëve socialistë-:”Mos shkelni mbi dinjitetitin tuaj për të zbatuar çdo çmenduri të kryetarit tuaj. Precedenti që po vendosni do ju kthehet mbrapsht. Mos i votoni! Bëjeni për dinjitetin tuaj, bëjeni për fëmijët tuaj!” Së dyti kolegëve të opozitës: “Mos harroni pse keni hyrë në Kuvend! Mos u bëni shtojcë e qeverisë, mos e shisni votën! Ajo është e shqiptarëve që ju ka votuar për të kundërshtuar maxhorancën. Çdo votë e shitur për të kryer një shkelje kushtetuese do sjellë harrimit tuaj politik! Mjafton të kujtoni ndër vite kush ka shitur votën në këtë sallë dhe ku janë ata sot.”

Së fundmi dua ta mbyll me një thirrje për shqiptarët: “Të drejtat janë tuajat dhe ju takojnë vetëm juve! Ato mund të kufizohen momentalisht në gjendje të jashtëzakonshme por kursesi të shkelen, dhunohet dhe t’ju merren me ndryshime antikushtetuese. Ka ardhur koha që reagimi juaj të mos falë askënd që ju ka shkelur, dhunuar dhe keqtrajtuar të drejtat tuaj në këto 30 vite duke ju vjedhur të ardhmen e tuaj dhe të fëmijëve tuaj!”, nënvizon deputeti./ CNA.al





Lajmet e fundit nga