web counter
LEXO PA REKLAMA!

SHKARKO APP

App Store
Google Play

E fundit!

x

Policia zbulon shkakun e zjarrit në Spitalin e Durrësit/ Pesë pacientë te Trauma

11 Janar 2020, 10:19, Kronika CNA

Policia e Durrësit ka reaguar zyrtarisht në lidhje me zjarrin e rënë gjatë natës së kaluar në Spitalin e Durrësit, ku u evakuuan të gjithë pacientët, pesë prej të cilëve u dërguan për mjekim në Spitalin e Traumës në Tiranë.

Policia sqaron se pacientët e dërguar në Spitalin e Traumës në Tiranë ndodhen jashtë rrezikut për jetën.

Sipas uniformave blu, shkaku i zjarrit ka ardhur si pasojë e përfshirjes nga zjarri të katër kabinave elektrike të katër kateve, ku zjarri fillimisht ka nisur në katin e parë dhe ka vazhduar deri në katin e katërt.

?Më datë 11.01.2020, në orën 00:25, në repartin e ortopedisë në spitalin e Durrësit, ka rënë zjarr, i cili ka përfshirë kabinat elektrike të pavijonit.

Menjëherë kanë shkuar forcat e Policisë dhe zjarrfikësit. Shërbimet e Policisë, zjarrfikësit dhe personeli kanë bërë të mundur evakuimin e të gjithë pacientëve nga të katër katet e pavijonit duke i transferuar në një pavijon tjetër.

Si pasojë e zjarrit janë asfiksuar 5 pacientë, të cilët janë dërguar në spitalin e traumës në Tiranë, për mjekim të specializuar dhe ndodhen jashtë rrezikut për jetën.
Nga veprimet e para hetimore rezulton se shkaku i zjarrit ka ardhur si pasojë e përfshirjes nga zjarri të katër kabinave elektrike të katër kateve, ku zjarri fillimisht ka nisur në katin e parë dhe ka vazhduar deri në katin e katërt.

Grupi hetimor, nën drejtimin e prokurorisë po vijon punën për zbardhjen e plotë të shkakut të përfshirjes së kabinave elektrike nga zjarri.?-thuhet në njoftimin e policisë.





Lajmet e fundit nga