web counter
LEXO PA REKLAMA!

SHKARKO APP

App Store
Google Play

E fundit!

x

Vetëvendosja sërish në protestë/ “Duam bashkim me Kosovën, jo me Serbinë”

21 Dhjetor 2019, 10:06, Politikë CNA

Lëvizja Vetëvendosje në Shqipëri po zhvillon ditën e dytë të protestës paqësore pranë Kryeministrisë, kundër ardhjes së Presidentit Serb Aleksandër Vuçiç në Tiranë.

Të organizuar në grup dhe me pankarta ku shprehen parrulla të ndryshme kundër minishengenit ballkanik, aktivistët e Vetëvendosjes këmbëngulin me parimet e tyre, duke e quajtur Aleksandër Vuçic-in kriminel lufte i cili akoma edhe sot nuk e njeh Kosovën si shtet dhe i shkakton dëme kombit shqiptar.

Lëvizja Vetëvendosje në Tiranë kishte programuar më përpara një protestë kundër minishengenit ballkanik, por tërmeti i fuqishëm i 26 nëntorit bëri që të anulonte tubimin e tyre, duke e shtyrë për ditën e samitit midis Vuçiç, Ramës dhe Kryeministrit të Maqedonisë Zoran Zaev.

Shqipëria bëri bashkë  krerët e tre shteteve ballkanike për të diskutuar mbi çështjet rajonale. Anëtarët e Lëvizjes Vetëvendosje në Shqipëri si edhe aktivistë të shoqërisë civile, janë kundër këtij minishengeni ballkanik dhe sipas tyre ky samit do të jetë një favorizim i madh për Serbinë dhe disfavor për Shqipërinë dhe Kosovën./CNA.al





Lajmet e fundit nga