web counter
LEXO PA REKLAMA!

SHKARKO APP

App Store
Google Play

E fundit!

x

Investigimi/ Beton, zënie të hapësirave publike, korrupsion dhe evazion fiskal në Tiranë

20 Nëntor 2019, 09:01, Sociale CNA

Një investigim një vjeçar i emisionit ?31 Minuta?, ka zbuluar abuzimet me hapësirat publike në kryeqytet në kurriz të publikut dhe të arkës së Bashkisë së Tiranës.

Sipas investigimit të bërë nga ky emision, zbulohet se qytetarët po shohin rrudhjen e hapësirave publike në favor të bareve, ndërkohë që në njësitë e hulumtuara rezultoi se bashkia merr vetëm gjysmën e të ardhurave që duhej të merrte!

Në vitin 2015 Bashkia e Tiranës propozoi tarifa të reja për përdorimin e hapësirave publike, nga 1500 lekë për metër katëror që ishte, e çoi në 15 mijë lekë për metër katëror në zonën A në qendër të Tiranës.

Në vitin 2016, kur Erion Veliaj kishte vetëm një vit që drejtonte Bashkinë e Tiranës, premtoi kthimin në identitet të shesheve të pallateve, të lulishteve dhe tha se nuk do mbyllet asnjë ditë pa ndryshuar të paktën një prej tyre.

Por, e vërteta është se hapësirat e përbashkëta po ia lënë vendin gjithnjë e më shumë lokaleve.

Sipas investigimiy, jo vetëm që nuk u liruan hapësirat e zëna por në vitin 2018 pati një shtim të bareve dhe lokale që zënë hapësirat publike.

Në shkurt të këtij viti emisioni ?31 minuta? i drejtoi një kërkesë Bashkisë së Tiranës, ku kërkonte ti viheshin në dispozicion tarifat për shfrytëzimin e hapësirës publike, për 6 biznese në zona të ndryshme, të zgjedhura në mënyrë rastësore.

Bashkia refuzoi duke e konsideruar konfidencial, por pas ndërhyrjes së Komisionerit për të Drejtën e Informimit, morën informacionin e kërkuar.

Pas analizimit të të dhënave të marra pranë Bashkisë së Tiranës, emisioni zbuloi se lokalet shfrytëzojnë hapësirë shumë më të madhe sesa paguajnë.

Ekspertët bënë matjen sipas hartës digjitale por edhe matje në terren, nga ky rezultoi se baret zënë dyfish hapësirë publike me shumë sesa ajo çfarë paguajnë në bashki.

Duke folur për emisionin ?31 minuta?, eksperti i Ekonomisë Pano Sako tha se këtu lindin dyshimet për korrupsion mes inspektorëve tatimore dhe bizneseve.

Sipas tij, rritja e tarifave nuk përkthehet në rritje të të ardhurave por në korrupsion.

?Rritja e tarifave nuk përkthehet në rritje të të ardhurave për arkën e Bashkisë, por në korrupsion. Në momentin që nuk ke mundësi ta paguash atë tarifë, atëherë e zgjidhin me inspektorin e lagjes. Biznesi do përpiqet të gjejë rrugën me përfitimin më të madh. e pastaj çon në korrupsion dhe evazion fiskal. Hapësirën publike në Tiranë po e zapton betoni?-tha ndër të tjera eksperti i ekonomisë.

Po sipas investigimit të këtij emsioni vetëm për muajin dhjetor të vitit të kaluar, gjashtë lokalë të zgjedhura rastësisht, zënë një hapësirë publike prej 734 metër katëror, dhe kanë paguar në Bashkinë e Tiranës për shfrytëzimin e kësaj hapësire një shumë prej rreth 369 mijë lek. Por sipas përllogaritjeve të emisionit ?31 minuta?, do duhej që të paguanin rreth 671 mijë lekë vetëm për muajin dhjetor të vitit të kaluar.

Pra, një deferencë prej rreth 300 mijë lekë vetëm për gjashtë lokale. Por sa është diferenca nëse përllogarit 1289 lokale që ka në Tiranë?

Por, ajo që nuk duhet të bëjë një vesh shurdh e një sy qorr pas këtij investigimi është Prokuroria, e cila duhet menjëherë të nisë hetimet./ CNA.al





Lajmet e fundit nga