web counter
LEXO PA REKLAMA!

SHKARKO APP

App Store
Google Play

E fundit!

x

Basha bëhet i sinqertë për herë të parë/ Pranon dështimin me listat e deputetëve

25 Shtator 2019, 13:30, Politikë CNA

Kryetari i Partisë Demokratike, Lulzim Basha ka dalë sot në një konferencë për mediat, ku ka folur në lidhje me situatën politike në vend.

Por, Basha gjatë fjalës së tij ka sulmuar hapur deputetët e opozitës parlamentare, të cilët nuk pranuan të vihen në rrjesht nga çmenduritë politike të kreut të PD-së, duke thënë se ?Ata njerëz nuk përfaqësojnë as veten e tyre?.

Por, këtu ka një detaj. Në fakt opozita parlamentare e gjitha është e përbërë nga deputetë të cilët kanë qënë pjesë e listave të përgatitura ekskluzivisht nga Lulzim Basha.

Tani, ose Luli ka lajthitur, ose çmenduria e tij në politikë nuk po njeh kufi dhe ka nevojë për doktor, por këtë herë jo për doktor Berishën.

Së pari, Basha po tregon se është i kompleksuar nga opozita parlamentare dhe nga elementë të cilët në fakt Lulzim Basha thotë se nuk kanë ardhur me votat e tyre, por kanë treguar se kanë më shumë vlera në PD dhe vota sesa vetë Luli.

Dhe është pikërisht ky themeli, me të cilët Luli pretendonte se i vendosi kandidatët.

Po të bëjmë një analizë të thjeshtë, në parlament kanë hyrë kryesisht individë të cilët kanë mbështetur kandidimin e Lulzim Bashës në vitin 2013 dhe e mbështetën fort, që të bëhej kryetar PD-je. Në listë kanë qënë dhe persona të cilët në 2017 edhe pse Basha humbi, e mbështetën që Basha të zgjidhjej kryetar PD-je. Apo persona që vazhdimisht kanë qënë në mbështetje të Lulzim Bashës. Disa prej tyre, deri në momentin që kundërshtuan vendimin për djegien e mandateve të deputetëve.

Duke pasur parasysh së pari Myslim Murrizin. Luli thotë se nuk ka asnjë votë, por a nuk ka qënë ai kryetari i PD-së së Lushnjes? Kush e vendosi në listat fituese të kandidatëve për deputetë?

Shkojmë më tej tek Rudina Hajdari. Kush e vendosi Hajdarin në vitin 2017, në lista dhe që u ?shit dhe tregëtua? si një personalitet, që është vajza e Azem Hajdarit.

A nuk ishte vëtë Basha, ai që ?masakroi? të gjithë elitën politike të Partisë Demokratike?!

A nuk është Adriatik Alimadhi, kryetar i partisë Balli Kombëtar? ! A nuk është Artur Roshi kryetar i Ballit Kombëtar Demokrat?!

A nuk janë këto dy parti politike, aleatë të përjetshëm të PD-së?!

A nuk është Arlind Çarçani kryetar i FRPD-së së Kolonjës?!

A nuk është Halit Valteri një prej ?veglave? më të fëlliqura të Lulzim Bashës, deri ditën që mori mandatin?

A nuk janë në atë grup parlamentar të gjithë ?dumbashistët? e 2013 dhe 2017?!

A nuk është ky Lulzim Bashë që i vendosi të gjithë këta emra në listë?!

Pra, Luli pranon vetë së në 2017 ka bërë një listë kandidatësh për deputetë, të pavlerë. E një kryetar partie që bën një listë të pavlerë, me individë që nuk i voton askush, dhe këtë e deklaron publikisht, minimalisht duhet të japë dorëheqjen.

Basha sot nuk ka bërë asgjë tjetër veçse ka pranuar atë që CNA.al e ka thënë këtu e dy vite më parë. Që Lulzim Basha shiti listën e zgjehdjeve me Pazar. Nuk ka shumë rrugë, për ta kuptuar se çfarë ka bërë Luli në 2017. Ose ka shitur listat e deputetëve, sepse ka vendosur në to ?njerëz të pavlerë? dhe i ka shitur me para, nëpërmjet lidhjeve të pista familjare dhe së dyti i ka vendosur për arsye klienteliste, sepse e kanë mbështetur për t?u zgjedhur kryetar i PD-së.

Por, kjo e rrëzon si kryetar, sepse vërtetohet tashmë katërciprisht dhe pranohet prej tij, se në lista kanë qënë ?njerëz të pavlerë?, apo sikurse e theksoi vetë Basha, që ?nuk përfaqësojnë as veten e tyre?. Por, janë vënë në lista vetëm e vetëm se mbështeten për të mbajtur karrigen e kreut të PD-së.

Këto dy rrugë janë, ose i shitit, ose ua dha si qokë. Gjithçka tjetër thotë Lulzim Basha, është një gënjeshtër, si gjithmonë.

Por, sot paska gjetur një moment sinqeriteti, duke thënë se kishte mbushur lista me njerëz të pavlerë. Por, disa prej tyre nndoshta kanë më shumë vlerë, sesa edhe vetë Luli, brenda në PD./ CNA.al





Lajmet e fundit nga