web counter
LEXO PA REKLAMA!

SHKARKO APP

App Store
Google Play

E fundit!

x

Tatimet vërshojnë në Korçë/ Terror mbi biznesin

28 Mars 2019, 13:29, Aktualitet CNA

Megjithëse në një situatë problematike ekonomike, dhe ndryshe nga sa pretendon qeveria se tashmë s’ka xhandarë në dyert e biznesit, Tatimet janë vërsulur në Korçë dhe kanë filluar terrorin.

Por, e çuditshmja është se ndaj biznesit në këtë rajon nuk vërsulen Tatimet Rajonale, por Hetimi Tatimor i dërguar nga Tirana, me xhipa të zinj, me një urdhër pune me vete të cilin nuk e zbatojnë, por thjeshtë e shkelin për të mbushur xhepat e tyre. Për të disatën herë radhazi në dy javët e fundit, një grup inspektorësh me targa Tr..64, vërsulet mbi bizneset.

Përpara se të shkojë, sigurojnë një urdhër pune dhe më të në dorë ushtronjnë presion dhe dhunë psikologjike mbi bizneset, duke kontrolluar edhe dokumente, që nuk janë pjesë e kompetencës së tyre apo që nuk janë pjesë e urdhërit të punës, për të gjetur hapësira, për të zhvatur ç’të mundin nga bizneset.

Ajo që po ndodh në Korçë është e paprecedentë dhe është e përsëritur. Prej disa javësh ndodh që banda vazhdon krimin e saj.

Me qëllim nuk po e japim të plotë targën e mjetit tip Mitsubishi, por jemi të gatshëm t?i japim Drejtorisë së Tatimeve çdo të dhënë që kërkon në lidhje me batërdinë që kanë bërë në Korçë inspektorët e Drejtorisë së Përgjithshme.

Mjafton që policia të shkojë dhe t?i kontrollojë. Tani në flagrancë mund t?i kapë me miliona lekë. Kështu kanë bërë para dy javësh, kështu kanë bërë para një jave dhe kështu po bëjnë edhe ditët e fundit.

Vërsulen mbi bizneset, ushtrojnë terror, kërcënojnë me gjoba, rrëmbejnë një shuk me lekë, dhe nisen të lumtur drejt Tiranës, duke marrë paratë dhe djersën e biznesmenëve korçarë në xhepat e tyre.

E ndërkohë që qeveria thotë se taksidarët nuk shkojnë në dyert e bizneseve, ata janë lëshuar si çakenjtë në Korçë. E ndërkohë që qeveria thotë se ka bërë reforma, ka ulur taksat, dhe ka zhdukur korrupsionin, banditët me uniformë tatimesh dhe me një letër në dorë plaçkisin bizneset.

CNA.al do të sjellë në vijim të gjitha detajet e grupeve që kanë shkuar në Korçë nëpër biznese, ku janë futur dhe ku kanë marrë para.

Që nga bizneset e rrugës së Bulgarecit, që nga ato në zonën industriale, apo biznese të tjera në qendër dhe periferi.

Banda e Tatimeve është e veshur me uniformë. Me një xhip të zi Mitsubushi dhe me një letër në dorë sulmon dhe shqyen si çakenjtë ç?ti dalë përpara, a thua se biznesi është preja për t?i marrë shpirtin dhe për t’i shqyer duke i trajtuar si viktima të tyre./ CNA.al





Lajmet e fundit nga