web counter
LEXO PA REKLAMA!

SHKARKO APP

E fundit!

x

Zgjedhjet lokale/ Zyrtarizohen gjashtë kandidatë të PS-së

23 Mars 2019, 11:43, Aktualitet CNA

Është mbledhur sot Kongresi i Partisë Socialiste, ku u zyrtarizuan edhe emrat e 6 kandidatëve për zgjedhjet elektorale të 30 qershorit.

Në Bashkinë e Korçës konfirmohet për një tjetër mandat, kryetarin aktual Sotiraq Filo.

Po ashtu konfirmohet Armando Subashi për bashkinë e Fierit, Dritan Leli në Vlorë, si edhe Majlinda Bufi në Roskovec.

Për Bashkinë e Lezhës, PS do të garojë në këto zgjedhje me Pjerin Ndreun.

Në Elbasan, në vend të Qazim Sejdinit i cili ka drejtuar qytetin për 3 mandate, socialistët duket se kanë vendosur t?i besojnë prefektit aktual Gledian Llatja.

Në fjalën para kongresit, kandidatët e rikonfirmuar për Bashkitë folën për projektet e realizuara e për të tjera që pritet të kryhen në të ardhmen.

Një fjalë ndryshe kishte Pjerin Ndreu, i cili e nisi fjalën e tij me një tjetër slogan, ?Bashkia që nuk duam? duke qenë se Bashkia e Lezhës u drejtua gjatë këtij 4 vjeçari nga opozita aktuale./CNA.al





Lajmet e fundit nga