E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ekzekutimi mafioz i të riut/ Gazetari zbulon detajet e frikshme

19 Mars 2019, 07:59, Aktualitet CNA

Një ngjarje e rëndë ka tronditur Tiranën gjatë mbrëmjes së djeshme, ku një 26-vjeçar u ekzekutua me armë zjarri në afërsi të shtëpisë së tij.

Në lidhje me këtë ngjarje të rëndë ka reaguar edhe gazetari Denis Dyrnjaja, i cili thekson se fajtore për ekzekutimin e të riut është Drejtësia e Korruptuar.

? Tirana u trondit mbrëmë nga vrasja e një 26 vjeçari në pragun e shtëpisë së tij. Sapo lexon rreshtat e parë të lajmit, keqardhja është ndjenja që pushton natyrshëm çdo kënd. Pastaj lind kureshtja se kush ishte viktima dhe ndërsa fillon e lexon bëmat e jetës së tij duzimet për keqardhjen nisin e shtohen.

26 vjeçari ishte i famshëm për jetën luksoze, por fama e tij mori një dimension tjetër 3 vjet më parë kur u njoftua se kishte vrarë babait e tij, krim që u pasua nga një tjetër vrasje në Durrës, ku u vra qiramarrësi i dyqanit të tij. Në të dyja rastet ai i shpëtoi drejtësisë pa dënim.

Mbrëmë rrethanat ishin përmbysur fatalisht për të riun, që e vranë në prag të shtëpisë. Thuhet se e vranë dy persona. Por në fakt vrasësja e vërtetë e tij është “DREJTËSIA E KORRUPTUAR”.?-shkruan gazetari Dyrnjaja në një postim në rrjetet sociale.

Më tej, gazetari thekson se ai nuk do ishte vrarë mbrëmë sikur drejtësia ta dënonte të paktën për njërin nga krimet ku minimalisht ishte pjesëmarrës edhe sikur të mos ishte protagonist sikurse mendohet se ka qenë.

?Nëse do të ishte duke vuajtur dënimin në burg kishte të garantuar jetën dhe një mundësi rehabilitimi.

Drejtësia e korruptuar, e paguar dhe shtrembëruar e nxorri këtë të ri në pritën e hakmarrjes duke i prerë jetën në mes. Ndaj sot akuza publike për vrasjen e tij shkon për drejtësinë, që me dorezat e korrupsionit merr jo vetëm para, por edhe jetë njerëzish si kjo e këtij 26 vjeçari e shumë të tjerëve si ai!?-shkruan gazetari Denis Dyrnjaja./CNA.al

Plumbat trondisin Tiranën/ Vritet një person tek sheshi ?Willson?

Krimi mafioz tek sheshi ?Willson?/ Identifikohet viktima

Foto/ Kush është i riu që u ekzekutua në Tiranë