Connect with Us

I varfri i Gjykatës së Apelit/ Valbon Çekrezi në mjerim drejt Vettingut

Aktualitet

I varfri i Gjykatës së Apelit/ Valbon Çekrezi në mjerim drejt Vettingut

Publikuar

-

Reforma në drejtësi ka hyrë në një fazë të re zbatimi. Vettingu veçse ka dhënë rezultatet e para të pastrimit të drejtësisë.

Gjyqtarët dhe prokurorët, që  u janë bindur politikës dhe që u kanë shërbyer grupeve dhe klaneve mafioze, pritet të jenë jashtë dyerve të institucionit të drejtësisë.

Kjo është pritshmëria e opinionit publik, i cili është i lodhur nga instalimi i njerëzve të paaftë, të dështuar dhe të korruptuar në gjykata dhe prokurori.

Me ato që kemi parë dhe dëgjuar tek gjyqtarët dhe prokurorët që janë paraqitur deri më tani para Komisionit të Vettingut, duket se surpizat do të jenë të mëdha,  në të ardhmen.

CNA.al vijon publikimin e pasurisë për të gjithë gjyqtarët dhe prokurorët pa dallim dhe referuar denoncimeve apo njerëzit që i njohin nga afër, disa deklarata pasurie duken të pabesueshme.

Kujtojmë se vetëm pak kohë ish-gjyqtari  i Apelit Shkëlqim Miri ra në pranga për korrupsion si dhe në shtëpi iu gjetën 300 milion lekë në banesë, të cilat nuk i kishte deklaruar pranë Inspektoriatit të Deklarimit të Pasurisë.

Gjatë kontrollit në banesë atij iu gjetën 300 milionë lekë të vjetra dhe një shumë tjetër eurosh që dyshohet të jenë marrë në këmbim për të ndryshuar kualifikimin e një vrasjeje të ndodhur në Burrel, në vitin 1997.

LEXO EDHE:  "Bllok" korrupsionit dhe luksit/ Zbulohet gjyqtarja më e varfër e Apelit

Por sipas të dhënave të publikuara nga Open Spending Albania, vërehet  se ish- gjyqtari ka deklaruar një pagë dhe pasuri modeste.

Me deklarimin e pasurisë që ka bërë deri në vitin 2014, nuk justifikohet shuma e parave të gjetura në banesë.

A ka të tjerë në sistemin e drejtësisë si ky ish-gjyqtar? Komisioni i Vettingut do të na e vërtetojë ditët në vijim.

Këtë radhë, CNA.al do të sjell pasurinë e gjyqtarit të Apelit të Durrësit Valbon Çekrezi.

Gjyqtari në fjalë, rezulton i varfër, dhe i varur nga paga dhe kredia.

Ashtu si një pjesë e madhe e gjyqtarëve dhe prokurorëve edhe Çekrezi rezulon se ka një kredi prej 50 000 euro, prej së cilës ka paguar vetëm 3 840 euro.

Deklarata e pasurisë dorëzuar me datën 30.03.2017

Llogari rrjedhëse e pagës  me balancë në datën 31.12.2016, në shumën 72 274 lekë.

Llogari euro për pagesën e kredisë me balancë 50.48 euro.

Të ardhura nga paga për vitin 2016 në shumën 1 432 811 lekë.

Vazhdon shlyerja e kredisë e marrë me datë 29.08.2008 në shumën 50 000 euro. Detyrimi i shlyer në shumën 3 840 euro, ndërsa detyrimi i pashlyer në shumën 34.823 euro/CNA.al

 

 

Për të rejat më të fundit behuni pjesë e grupit tonë në facebook : City News Albania
1 Koment

1 Koment

Komentoni

Your email address will not be published. Required fields are marked *

Politikë

49% e popullsisë së Tiranës ka fituar imunitet/ Fuga del kundër studimit të Akademisë së Shkencave

Publikuar

-

Nga

49% e popullsisë së Tiranës ka fituar imunitet/ Fuga del kundër studimit të Akademisë së Shkencave

Akademiku dhe profesori i njohur Artan Fuga është distancuar nga studimi i fundit mbi imunizimin e popullsisë ndaj Covid-19.

Sipas Fugës, deklarimet në atë studim janë të pambështetura mjaftueshëm për t’u besuar, të pavërtetuara me transparencë si dhe të nxituara.

Studimi për të cilin Fuga është kundër është bërë nga mjeku imunolog Genc Sulçebe dhe Akademia e Shkencave që ka konstatuar se 48-49% e popullsisë së Tiranës e ka fituar imunitetin pasi e ka kaluar tashmë COVID-19.

“Pas një kërkimi të bërë nga persona të veçantë mbi gjendjen e përhapjes së COVID-19 në popullsinë e Shqipërisë, dhe rezultateve ditët e fundit nga burime që vishen nga autoritete të Akademisë së Shkencave në ndonjë media, në datën 15 janar 2021, u anonçua se është arritur imuniteti i tufës lidhur me virusin në fjalë.

Për sa më sipër, si anëtar i asaj Akademie, deklaroj distancim personal nga deklarimet, duke i konsideruar të pambështetura mjaftueshëm për të qenë të besueshme, të pavërtetuara me transparencë, dhe të deklaruara me nxitim pa respektuar etikën e kërkimit shkencor. Edhe gjatë 202 ASH duke pretenduar se po përdorte metoda simulimi të prediktivitetit shkencor, deklaroi se pandemia do vinte duke ulur kurbën, e potencialit infektues, brenda gjysmës së vitit të parë të 2020. Në atë kohë jam distancuar nga parashikimet, që më janë dukur në erë. Siç kam theksuar, të dhënat e përdorura nga individë të veçantë, me nxitim dhe amatoreske brenda ASH, ishin të pabesueshme, Ishin blof. Nga ana tjetër, sikur e thonin shkencëtarët më të njohur në botë, evolucioni dhe përhapja e virusit nuk mund të parashikoheshin matematikisht apo me simulime informatike. Kishte shkallë të lartë spontaniteti. Variablet e pavarura që ndikonin në përhapjen e pandemisë, apo ndikojnë sot janë aq të shumta, dhe të panjohura, sa do i konsideroja një naivitet fëmijëror të pretendohej një parashikim atë që koha e tregoi.

Koha vërtetoi se parashikimi ishte i gabuar, dhe do kishte pasoja të rënda për shëndetin publik dhe ekonominë, nëse do ishte marrë seriozisht. Pa u harruar asaj, pa iu kthyer në mënyrë kritike prediktimit të gabuar, ASH bën tani gabimin e radhës. Ka disa ditë që merr përsipër institucionalisht të çertifikojë rezultatet e një studimi të bërë nga persona të veçantë, që janë në të drejtën e tyre të hulumtojmë sipas asaj që kanë dëshirë, duke humbur neutralitetin e institucionit. ASH për qëllime të saj i vendos vulën zyrtare studimeve, pa patur argument, të drejtë ligjore.

LEXO EDHE:  Paditi ish kryeprokuroren Ina Rama/ Pasuria e prokurorit që denoncoi emërimet klienteliste

LEXO EDHE:  Ja cilët janë deputetët socialist më të pasur

Akademia e Shkencave nuk mund të angazhohet në ëprgjegjësira, që në asamblera e seksione s’ka kompetenca për t’i marrë përgjegjësinë, historianë, inxhinierë, kimistë, anëtare etj, veterinerë, agronomë, letrarë, muzikantë. Sado të zotët të jenë, nuk mund të çertifikojnë studime nga fusha e epidemiologjisë. Nuk e konsideroj veten kompetent të certifikoj një studim që del nga fushat e kompetencave të mia.

Duhen muaj që të shkruhet raporti përfundimtar i studimit, duke u nxitur të japë të dhëna të pastrukturuara, të panënshtruara ndaj gjykimit publik, që është kërkesa e parë. Duke u bazuar në të dhëna shumë të diskutueshme, burime jashtë çdo kompetence institucionale”, tha Fuga./CNA.al

 

LEXO TE PLOTE

Politikë

Epokë e re për Gjermaninë/ Biberaj: Sfidë për pasuesin e Merkel, zgjerimi dhe emigrantët

Publikuar

-

Nga

Epokë e re për Gjermaninë, Biberaj: Sfidë për pasuesin e Merkel, zgjerimi dhe emigrantët

Armin Laschet është zgjedhur kryetari i ri i Partisë Konservatore Gjermane, CDU duke pasuar Angela Merkel. Ai pritet të jetë kandidati kryesor për kancelar të Gjermanisë në zgjedhje federale që pritet të zhvillohen në muajin shtator.

Ish-zv.presidenti e Asamblesë Parlamentare të Këshillit të Evropës, Aleksandër Biberaj tha për Euronews Albania se Armin Lashet është pasues besnik i kancelares Merkel.

Ai beson se z. Lashet do të hapë në epokë të re, jo vetëm për CDU, por edhe për politikën gjermane.

“Gjykoj se kancelarja Merkel po mbyll një cikël të suksesshëm politik për të hapur pastaj një epokë të re për CDU dhe për politikën në Gjermani. Politikani i ri është pasuesi besnik i Angela Merkel. Është një politikan dhe ka një eksperiencë të gjatë. Lidhur me politikat e zgjerimit. Gjermania ka një qëndrim konstant dhe kjo nuk është një situatë e tanishme, por është një politikë që nga vitet ’90. Lidhur me refugjatët, mund të ketë edhe kritika, por gjithsesi kancelarja arriti të mbante kuotat politike”, tha ai.

LEXO EDHE:  Nga ‘lidhja” me Balilin tek skandali i byzylykëve/ Zbulohen pronat e dyshimta të Manjanit

LEXO EDHE:  Ja cilët janë deputetët socialist më të pasur

Teksa shton se politika mbi emigrantët kanë shtuar kritikat e brendshme në Gjermani, z. Biberaj thotë se pavarësisht kësaj, lideri i ri i CDU-së do t’u përmbahet me rigorozitet politikave makro.

“Por, mendoj se politikat makro do të jenë të njëjta”, tha ai./euronews

LEXO TE PLOTE

Politikë

Beqaj nxjerr videon e të rinjëve në parti/ “Serbesllëku” i shkeljes së ligjit është ofendues

Publikuar

-

Nga

Beqaj nxjerr videon e të rinjëve në parti/ “Serbesllëku” i shkeljes së ligjit është ofendues

Ish-ministri i Shëndetësisë Ilir Beqaj ka publikuar videon e disa të rinjëve të cilët shihen duke kërcyer në një ambient të populluar dhe pa respektuar masat anti-covid.

Duke e dënuar këtë akt, ai shkruan se “cënimi i rregullave të caktuara për ruajtjen shëndetit nga kërcënimi i Sars-Cov-2 është moralisht i papranueshëm dhe ligjërisht i dënueshëm.”

Më tej, ish-ministri shton se “serbesllëku i shkeljes së ligjit në qendër të Tiranës është ofendues për këdo që zbaton ligjin.”

“Ndjesë çdo vajze apo djali, gruaje apo burri, që mund t’i kem cënuar privatësinë duke bërë publike këto pamje se si janë argëtuar mbrëme. Por janë në moshë madhore dhe janë të vetdijshëm për shkallën e (mos)zbatimit të ligjit. Cënimi i rregullave të caktuara për ruajtjen shëndetit nga kërcënimi i Sars-Cov-2 është moralisht i papranueshëm dhe ligjërisht i dënueshëm. Për më tepër, “serbesllëku” i shkeljes së ligjit në qendër të Tiranës është ofendues për këdo që zbaton ligjin.” /CNA.al

LEXO TE PLOTE