web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet dokumenti/ Si përgjigjej Petrit Vasili për incineratorët kur ishte ministër Drejtësie

22 Janar 2018, 20:18, Aktualitet CNA

BalkanWeb ka mundur të sigurojë dokumentin ku tregohet përgjigja e kreut të grupit të Lëvizjes Socialiste për Integrim, Petrit Vasili, për incineratorët në Fier kur ishte ministër Drejtësie.

Në dokument, Vasili i drejton një letër Nimet Musajt, anëtarit të këshillit bashkiak në Bashkinë e Fierit.

Në këtë letër te publikuar nga BalkanWeb, ashtu si edhe sot në kundërpërgjigjet ndaj Ramës, Vasili i tregon anëtarit të këshillit bashkiak se pse nuk mund të ndërtohet incineratori.

?Pjesë e kërkesës suaj është peticionin drejtuar disa prej autoriteteve më të larta shtetërore me kërkesën për ndërprjen e menjëhershme të punimeve për ndërtimin e impiantit të përpunimit dhe djegies së mbetjeve urbane në Qarkun Fier në afërsi të fshatrave Vërri, Vajkan dhe Kallm.

Mbështetur në materialet bashkëngjitur kërkesës suaj dhe në referim të legjislacionit në fuqi, do të kërkonim të parashtrojmë disa prej parashikimeve ligjore ku mendojmë se duhet të bazoheni dhe për  të kërkuar plotësimin e tyre në përputhje me ligjet në fuqi për qeverisjen vendore dhe atë qëndrore.

?Së pari, ju evidentoni se nuk është bërë konsultimi më minimal me publikun. Ndërkohë ligji detyron çdo njësi të qeverisjes vendore të publikojë projektet e menaxhimit të integruar të mbetjeve në faqet zyrtare të internetit duke i vënë në dispozicion të publikut. Së dyti, duhen përcaktuar efektet e mundshme të drejtëpërdrejta dhe jo të drejtëpërdrejta mbi tokën, ujin, detin, ajrin, pyjet, klimën e shëndetin e njeriut, florën e faunën. Së treti, për vendimmarrje të tilla në këshill kërkohet që vendimet të merren me jo më pak se 3/5 e numrit të anëtarëve.

Prandaj nisur nga më lart theksojmë se interesi i qytetarëve mbetet prioritet jo vetëm i qeverisjes qendrore, por edhe i asaj vendore,? shkruhet në dokument. /CNA.al





Lajmet e fundit nga