web counter
LEXO PA REKLAMA!

SHKARKO APP

E fundit!

x

Ndërtimi i inceneratorit në Fier/ Banorët hidhen në protestë

22 Janar 2018, 09:08, Aktualitet CNA

Dhjetëra banorë të fshatit Vërri kanë, protestuar të hënën në mëngjes para kompanisë që po ndërton  impiantin e  djegies së mbetjeve urbane.

Banorët  kanë ngritur shqetësimin për ndotjen që pritet të sjellë ndërtimi dhe përpunimi i mbetjeve urbane pranë banesave dhe tokave të tyre.

Qeveria  synon ta ndërtojë një incenerator pranë fshatit Vërri, pasi ka nënshkruar një kontratë koncesionare me një kompani të quajtur ?Integrated Technology Waste Treatment Fier?, por banorët që në fillim e kanë kundërshtuar këtë projekt.

Nuk është hera e parë që banorët e kësaj zone protestojnë, pasi sipas tyre veç sëmundjeve që mund t?u shkaktohen si pasojë e ndotjes, do t?u shkatërrohen edhe ekonomitë e tyre familjare që bazohen në mbarështimin e gjedhëve dhe tregtimin e mishit e të qumështit.

Në vendngjarje ka mbërritur edhe policia e cila po mbikqyr protestën.

Zona në të cilën është parashikuar të ndërtohet impianti i përpunimit të mbetjeve urbane  gjendet në një distancë prej 7.5 km nga qëndra e Bashkisë së Fierit, ndërsa me fshatin Vërri e ndan një largësi vetëm 980 metra vijë ajrore në veriperëndim./CNA.al





Lajmet e fundit nga