web counter
LEXO PA REKLAMA!

SHKARKO APP

E fundit!

x

Fushatë në Ramazan dhe votim ditën e Bajramit

19 Maj 2017, 10:49, Aktualitet CNA

Dje kryeministri Edi Rama dhe Lulzim Basha firmosën një marrëveshje elektorale dhe shtynë një javë ditën e zgjedhjeve. Pra zgjedhjet nuk do të bëhen me 18 qershor, por me 25 qershor. Kjo ditë përkon edhe me festën e besimtarëve myslimanë që është dita e Bajramit të Madh, e cila vjen pas 30 ditëve agjërim të muajit të Ramazanit.

Palët politike ndoshta nuk e kanë pasur shqetësim faktin që është një ditë feste fetare zyrtare, por përtej asaj kanë harruar një tjetër fakt. Forcat politike duhet të kenë përfaqësuesit e tyre, në komisione, në grupet e numërimit, ndërkohë që besimtarët muslimanë në Shqipëri që janë më shumë se gjysma e popullsisë, atë ditë duhet të braktisin festën pas një agjërimi një mujor për të ndjekur një proces zgjedhor.

Ndoshta duket disi e tepruar dhe jemi përballë faktit që një festë fetare zyrtare do të zhvillojë zgjedhjet dhe kësisoj trupa elektorale do të braktisë këtë festë për tu bërë pjesë e ?festës? së partive politike të cilat nuk kanë menduar aspak detajet që lidhen me datën e zgjedhjeve./CityNews





Lajmet e fundit nga