web counter
LEXO PA REKLAMA!

SHKARKO APP

App Store
Google Play

E fundit!

x

Ky është fundi i Maqedonisë

28 Prill 2017, 17:45, Aktualitet CNA

Sulmi i ashpër i ndërmarrë dje nga turmat e organizuara, që, pa asnjë rezistencë policore, pushtuan kuvendin e Maqedonisë mund të shihen edhe si sinjalet e fundit të këtij shteti të sajuar me pakica kombëtare.

Mediat maqedone raportojnë se sulmuesit kanë qenë pjesë e grupimit ?Maqedonia e bashkuar?, me përbërje kryesisht të popullsisë maqedone dhe, megjithë mohimet e bëra nga kryeministri në ikje Nikolla Gurevski, për mospasje dorë në organizimin e sulmit, askush nuk e mohon se shkëndija që ndezi valën e dhunës ishte zgjedhja e shqiptarit Talat Xhaferi në krye të drejtimit të Kuvendit.

Një ngjarje e rrallë kjo në historinë e këtij vendi, ku megjithse shqiptarët kanë qenë dhe janë faktorë të shqueshëm në shtetformim asnjëherë nuk kanë patur një përfaqësues të lartë në strukturat e tij.

Sulmi i turmës dhe pushtimi i Kuvendit erdhi vetëm pak pasi, me shumicë votash të deputetëve të partive shqiptare dhe atyre maqedone të LSDM-së, Xhaferi u përzgjodh për të drejtuar Kuvendin në një mandat katër vjeçar, gjë e papranueshme kjo jo vetëm nga VMRO-DPMNE, por edhe nga presidenti Ivanov, i cili, pas dështimit të Gruevskit për të formatuar qeverinë e re, prej javësh, po mban të ngrirë dekretimin e  qeverisë Zaev. Një mohim kushtetues ky që, përveç të tjerave, ndihmon si benzinë për të ndezur zjarrin e dasive etnike.

Gjë e dukëshme kjo edhe në sulmin e mbrëmjes së djeshme të ndërmarrë ndaj Kuvendit e që morri shkak nga zgjedhja e një shqiptari në kryesim të Parlamentit maqedonas.

Ka vite që nga shtet ndihmues në mbajtjen stabël të situatës në rajon ( arsye që edhe u krijua), Maqedonia është shndërruar në destabilizuese, jo vetëm së brendëshmi, por edhe nga ndezja e konflikteve me fqinjët.

Me Greqinë është në konflikt disavjeçar  të pashuar  për shkak të emrit, por konflikte të pashpallura ka edhe me Bullgarinë e së fundi e ndezi zjarrin edhe me Shqipërinë, Kryeministrin e të cilës e akuzon për implementimin e një platforme shqiptare që po gjen zbatim nga Zoran Zaev dhe synon ?pushtim? e Maqedonisë prej shqiptarëve. Në këtë konflikt të ri është përfshirë jo vetëm kryeministri në ikje Nikolla Gruevski por edhe presidenti i vendt Ivanov, çka nuk është sinjal i mirë se në ditët vijuese vendi do të rinjohë paqen.

Nga ana tjetër kjo është tregues i qartë i faktit se ka një skenar për ta transferuar konfliktin politik në dasi etnike, që nëse lejohet të ndodhë sjell pasoja të rrezikëshme destabilimi jo vetëm për Maqedoninë  por për të gjithë rajonin, që ekzistencën e këtij shteti e ka pranuar vetëm nga motivi për të cilin ndërkombëtarët e sajuan, pra si faktor paqeje.

Protesta e ndezur në kundërshtim të ashpër të zgjedhjes së shqiptarit Talat Xhaferi në krye të Kuvendit, dhuna barbare ndaj deputetëve të kësaj entie shtetformuese, dhuna dhe tërheqja zvarrë, që nuk kurseu as femrat, nuk ndihmojnë në rrugëtimin paqësor midis shqiptarëve e maqedonasve, por janë parathënie për rrënien e pritëshme të Maqedonisë. / CityNews





Lajmet e fundit nga