web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Myftaraj/ Si dhe pse Persida Asllani, drejtoresha e Bibliotekës Kombëtare- anëtare e bordit të Fondacionit “Soros” i vuri zjarrin kësaj biblioteke

16 Mars 2017, 21:11, Aktualitet CNA

Në 15 mars të këtij viti, pikërisht në përvjetorin e shpërthimit në Gërdec, ra zjarr në Bibiotekën Kombëtare në Tiranë, në katet nëntokësore të saj ku ruhen librat. Zjarri te Biblioteka Kombëtare, ndonëse pa viktima, është një ngjarje jo më pak e rëndë se tragjedia e Gërdecit, sepse është një goditje shkatërruese në një nga qendrat kulturore të kombit. Prandaj shqiptarët kanë të drejtë të dinë të vërtetën e plotë dhe personat përgjegjës të mos skandalizohen për aq sa zbulimi i së vërtetës prek dhe privatësinë e tyre.

Këta persona janë drejtoresha e sotme e Bibliotekës Kombëtare, Persida Asllani dhe paraardhësi i saj Aurel Plasari. Persida Asllani është anëtare e bordit drejtues të Fondacionit ?Soros? që nga dhjetori 2013 dhe drejtoreshë e Bibliotekës Kombëtare të Shqipërisë që nga gushti 2014. Merret vesh, për ?Rilindjen? pink që sundon sot Shqipërinë, qënia në krye të Bibliotekës Kombëtare kushtëzohet nga qënia në drejtimin e Fondacionit ?Soros?. Sepse para se Sorosi të merrej me reformën në drejtësi në Shqipëri, është marrë me reformën në kulturë.

Për ata që njohin sekretet e elitës kulturore të Tiranës, është një gjë e njohur lidhja e vjetër mes Aurel Plasarit dhe Persida Asllanit. Qëkurse Aureli ishte drejtor i Bibliotekës Kombëtare, dhe këtë privilegj e pati për 16 vite (1998-2014) Persida ka qenë si e shtëpisë në zyrën e tij. Dhe pasi atje hynte Persi, sekretarja porositej që drejtori ishte i padisponueshëm për të tjerët. Ndonëse Persi, si femër moderne nuk e konsideronte që Aureli kishte ndonjë detyrim ndaj saj, familjarë të zonjushës nuk e mendonin kështu dhe, duke dashur një lidhje sipas traditës, shkuan e bënë skandal me drejtor Aurelin duke e ndalur atë në korridorët e bibliotekës pasi nuk ishin pritur prej tij në zyrë.
Drejtor Aureli ua bëri të qartë se me vajzën e tyre kishte një marrëdhënie sa moderne aq edhe të lashtë, ajo ishte muza e tij. Nuk përjashtohej që dikush të martohej me muzën e tij, por meqënëse drejtor Aureli kishte veprimtari të gjerë intelektuale që mbulonte fushën e pothuajse krejt muzave që ishin nëntë, atëherë kjo do të thoshte që të kalonte në poligami (martesë e njëkohëshme me shumë gra) zyrtare, që ndalohej me ligj. Ky arsyetim mori si shpërblim disa shpulla për arsyetuesin dhe me kaq u mbyll njëri akt i kësaj drame.

Por meqënëse drejtor Aureli kishte veprimtari intensive intelektuale në fushat e pjesës më të madhe të nëntë muzave, do të kishte nevojë për muza të tjera, gjë që solli grindjen e tij të famshme me Persin si dhe betimin e saj se po të kishte mundësi do t? ia digjte librat Aurelit. Këtë betim Persi e shoqëroi me një shenjë me gishtin tregues të drejtuar poshtë, në drejtim të kateve të poshtme ku gjendeshin librat e Aurelit. Nuk ishte e vështirë për Persin, sorosianen me origjinë libohovite ashtu si Ministresha e Kulturës, Mirela Kumbaro, shoqja e saj e ngushtë, që me ardhjen e ?Rilindjes? pink në pushtet, të merrte drejtimin e Bibliotekës Kombëtare. Duke dashur ta realizonte hakmarrjen e saj në mënyrë spektakolare, Persi priti dy vite e gjysëm dhe zgjodhi ditën e përvjetorit të shpërthimit të Gërdecit, për të bërë shpërthimin e saj. Persi madje i lejoi vetes që të kishte një pamje të qeshur kur komunikonte me median pas rënies së zjarrit.
Persi tha se pjesa më e madhe e librave të djegur janë botime të pas vitit 2000. Kështu la të kuptonte se një pjesë e librave janë botime të para vitit 2000. Fakti është se janë djegur të gjithë librat e Aurel Plasarit të botuar nga viti 1990 e këtej. Nuk është ndonjë dëm për letrat shqipe, në të vërtetë.

Si shkak zyrtar për zjarrin u tha një që nuk e besojnë dot as fëmijët: meqënëse ishte krijuar mbinxehje e linjës në katet nëntokësore, kontakti me librat në pjesën e sipërme të rafteve, shkaktoi zjarrin. Si na paska ndodhur kështu kur vitet e fundit të drejtor Aurelit, qeveria e Berishës dha mëse një herë shuma të mëdha parash për punë riparuese në Bibliotekën Kombëtare, dhe këto para i administroi drejtori vetë. Vetëm në 2008 drejtor Aureli bëri një tender me vlerë 65 milionë lekë të rinj, për riparime që kishin të bënin vecanërisht me sistemin elektrik të Bibliotekës Kombëtare. A nuk është rasti tani që Policia e Shtetit dhe Prokuroria e Shtetit të hapin dosjen e këtyre shpenzimeve të parave publike?

Në 2015, me rastin e 95 vjetorit të Bibliotekës Kombëtare, Kryeministri Rama bëri një vizitë atje dhe paraqiti një projekt të madh për rindërtimin dhe zgjerimin e saj. Deri më sot nuk është bërë asgjë, as dhënia e fondit financiar. Në fund të vizitës, Rama i dhuroi Bibliotekës Kombëtare atë që e quajti me humor ?albumi me zhgarravinat e mia?. Nuk dihet nëse pikturat e Ramës e pësuan nga zjarri bashkë me librat e ish-drejtor Aurelit.





Lajmet e fundit nga