web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet me standarte, Lulzim Basha dhe aleanca me mediat

6 Janar 2017, 09:43, Aktualitet CNA

Kreu i PD Lulzim Basha dje kërkoi publikisht që mediat të ishin në aleancë me opozitën për zgjedhje të lira dhe me standarte. Basha kërkoi që në krah të tij të ishin edhe mediat kritike të opozitës dhe kritikët e tij, në këtë bëtejë që për Lulzim Bashën është jetike për vendin.

Kreu demokrat rindezi sirenat e alarmit pas disa qëndrimeve publike të nënkryetarëve të tij, Spaho dhe Paloka.

Problemi i zgjedhjeve në Shqipëri vazhdon të jetë një gangrenë që edhe pse jemi në 2017, nuk po gjen një zgjidhje mes palëve. Për ta pasur zgjedhje me standarte, janë palët politike që vendosin rregullat dhe standartet në tyrezë dhe i respektojnë ato. Në vendet e rajonit ky problem duket i kaluar. Në Greqi, Maqedoni, Mal të Zi por edhe Kosove, nuk ka problematika të thella si në Shqipëri.

Basha ka të drejtë të ketë frikë nga zgjedhjet dhe të kërkojë aleancë më mediat, por së pari duhet vetë të ketë standarte. Në selinë e PD duhet të vendosë dhe respektojë rregulat staturore e jo të dalë në pazar për të kërkuar të zbatohen rregullat nga kundërshtari. Kur ke bërë shtepinë tende lëmsh, vështirë se meresh seriozisht kur del dhe e kërkon në publik.

Kreu demokrat ka të drejtë kur kërkon aleancë me mediat për zgjedhjet. Situata e kanabisit që të mos përsëritet nuk ka asnjë garanci. Të ardhurat e këtij biznesi kriminal mund të jenë thesi i parave për blerje votash. Askush nuk mund të thotë se krimi dhe segmente të tij do qëndrojnë larg kutive, pa harruar ?punën? e policisë dhe administratës si dhe përfshirjen e tyre në fushata.

Standartet e zgjedhjeve vendosen nga palët në tryeze dhe ato respektohen deri në fund. Por këtu palët sillen njësoj në shtëpitë e tyre dhe kur përballet bëjnë edhe me keq. Rama në PS nga 2005 e deri në 2013 ishte një etalon në sjellejn politike të tij në PS, aq thellë shkoi vetëm se nuk mundi tja ndronte emrin, por doli me Rilindjen. Lulzim Basha është thuajse një pikë uji në sjelljen e tij politike në shtëpi. Presim Maqo Lakrorin e Bashës dhe largimet nga listat e deputetëve duke e mbushur me ?figura të reja?, që janë të vjetër apo të rinj të tredhur nga servilizmi. Diku ndonjë ndryshim i vogël, por hap pas hapi si Rama të cilin e shikon si model suksesi në parti.

Për forcën e tretë LSI-në dhe sjelljen e saj në zgjedhje apo brenda partisë nuk ka çfarë të thuhet. Ajo funksionon si një çetë ku komandanti është Ali Babai, kusuri janë hajdutët e tij.

Dhe janë këta faktorët që vendosin për zgjedhjet në Shqipëri dhe ato gjithmonë janë kontestuar si një alibi e kryetarëve pë humbjet që pësonin. Vetëm në rastet kur kemi pasur  rotacion nuk janë kontestuar zgjedhjet, por kjo nuk do të thotë se kemi pasur standarte.

Që të kemi standarte zgjidhja nuk është aleanca me mediat. Ato pro qeverisë do thonë zgjedhjet ishin me standarte, ato afër opozitës do publikojnë fakte për vjedhje votash dhe abuzime. Ky skenar është I paravendosur. Që të rëzohet dhe mos funksionojë kjo përplasje mediatike, palët duhet të vendosin rregulla të qarta dhe standarte në tavolinë, ti pranojnë të kenë besim dhe kjo është zgjidhja e vetme. Të shpëtosh zgjedhjet dhe të ruash votat me mediat nuk është zgjidhje, por hapi i parë i përplasjes së palëve në ekran për të pëplasur më pas turmat në sheshe, justifikim për humbjen dhe përsërisim skenarët e vitit 2009. Elvi FUNDO – shkruar për CityNEWS

 





Lajmet e fundit nga