E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Rama: Do investojmë 1 miliard euro në 4 vjet/ Blushi: Vetëm Kryeministria e ka koston vjetore 27 milionë euro

30 Dhjetor 2016, 13:50, Aktualitet CNA

Deputeti i LIBRA Ben Blushi ka komentuar deklaratën e kryeministrit Edi Rama në lidhje me investimet. Rama tha se qeveria e tij do të investojë 1 miliard euro në 4 vjet.

Por, në një postim në rrjetet sociale, Ben Blushi shprehet se kjo shifër është shumë e vogël. Sipas tij, duhen të paktën 1 miliard euro çdo vit për rindërtimin total të vendit.

Ish-deputeti socialist thekson se vetëm kryeministria do të kushtojë të paktën 100 milionë euro në 4 vitet e ardhshme dhe për këtë, askush nuk mund tja kalonte Edi Ramës në këtë rekord negativ.

Postimi i Blushit

1 miliard euro në 4 vjet? Shumë pak. Duhen 1 miliard cdo vit për Rindërtim Total!

Edi Rama ka thënë se do investojë 1 miliard euro për katër vitet e ardhshme.Pyetja është; kaq pak? Shqipëria në katër vitet e ardhshme do ketë mbi 40 miliardë euro GDP ,apo prodhimin e pergjithshëm bruto. Në katër vitet e ardhshme buxheti i shtetit do jetë mbi 18 miliardë euro. Në katër vitet e shkuara Edi Rama ka marrë më shumë se 1miliard e gjysëm euro borxh. Vetem Kryeministria e ka koston vjetore 27 milion euro dhe në katër vitet e ardhshme do kushtojë të pakten 100 milion euro. Pra të investosh për rruge, spitale, shkolla dhe teknologji vetëm dhjetëfishin e asaj që kushtojnë makinat dhe tapetet e Kryeministrisë është shumë pak. Askush nuk mund tja kalonte Edi Ramës në këtë rekord negativ. Shqipëria mund te investojë kaq pak,pra 250 milion euro në vit edhe duke mos patur fare Kryeministër. Pyetja për këto katër vite që vijnë, është kush investon më shumë, në c’menyrë dhe ku? Shqipëria ka nevojë për Rindërtim Total. Ky është projekt kombëtar që mund te kthejë në shtëpi emigrantët, mund të hapë mijera vende pune,mund të pasurojë kompanitë shqiptare dhe të joshë investime të huaja.Sa para duhen? 1 miliard ne vit ose10 miliard euro për një dekadë. Vetëm kështu mund të kthehemi në një vend modern dhe një ekonomi e qëndrueshme. A gjenden?Sigurisht. Ato janë në Shqiperi dhe do gjenden duke i berë shqiptarët aksionerë në vendin e tyre.1 miliarde euro investime cdo vit do prodhonin të paktën katër herë më shumë sepse sic thonë gjermanët cdo markë e investuar mirë duhet të prodhojë të paktën 4 marka. Këtë do bejmë dhe ne në dhjetë vjet që Shqipëria të behet dhe mos rrënohet duke investuar më shumë për libra se për palma, më shumë për detin se për pishina, më shumë për pastrim se për manikyr!