E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Bashkia e Korçës përjashton komunitetet fetare nga festat/ Për Raqin, "Zot" është Niko

3 Dhjetor 2016, 11:22, Aktualitet CNA

Bashkia e Korçës pritet që sot të vazhdojë ritualin e saj me ndezjen e disa dritave në zonën pedonale të qytetit.

Një aktivitet, i cili vjen në Korçë i quajtur si festival i dimrit me një shtëpi babagjyshi, panair dimri dhe ajo që quhet ndezja e dritave të festave. Kjo duket të jetë një aktivitet që i shkon Korçës në stinën e dimrit, por që dardha e ka bishtin mbrapa dhe këtë herë Bashkia e Korçës nuk ndalet duke na e treguar.

Sot në Korçë do të ndizen dritat e festës dhe për këtë është zgjedhur pikërisht zëvendëskryeministri Niko Peleshi. A thua se ai është ?Zoti? që ndriçon Korçën, gjenerator dritash apo HEC që prodhon energji kur ka reshje. Që të duket si “Zot”, Bashkia përjashton nga ky aktivitet komunitetet fetare, përjashtojnë klerët e kishës apo xhamisë nga ndezja e dritave të festës në Korçë, por ato i ndez ?Zoti?, Niko Peleshi.

Ai vendos dritat, ai vendos pistën e patinazhit, ai na çon në polin e veriut. Ai ndoshta, përveçse “Zot” është edhe babagjyshi i vitit të ri për kryebashkiakun Sotiraq Filo dhe Bashkinë e Korçës. Kjo për tenderat dhe fondet që ju jep që ata të rrjepin sa të munden. Po kurrsesi nuk mund të jetë ?Zot? një frymor i rrethuar nga një stan me servila që përjashtojnë komunitetet fetare nga festa dhe aktivitete që ju përkasin qytetarëve.

Korça i përket qytetarëve të saj, besimit të tyre. Ajo nuk mund të jetë në duart e një grupi të vogël njerëzish që jo vetëm i kanë marrë frymën qytetit, por tashmë ju vjedhin festat dhe ju përjashtojnë komunitetet fetare.

Ndoshta tek shtëpia e babagjyshit, në vend të Vaskë Niços të veshur dhe me mjekër të bardhë do ishte më mirë të çonin Niko Peleshin, kështu të paktën do ishin më të vërtetë.

Këtë herë ?Zoti? nuk do të jetë në ndezjen e dritave pasi në mënyrë të paparashikuar, kryeministri Rama e ka nisur me shërbim jashtë vendit. Raqka nuk dështoi, por në këtë rast, si gjithmonë tek Rilindja, urdhri i kryetarit të partisë zbatohet nuk diskutohet edhe kur Raqka të sheh si ?Zot?/citynews