web counter
LEXO PA REKLAMA!

SHKARKO APP

App Store
Google Play

E fundit!

x

Skandali i mungesës së ilaçeve/ Beqaj ndan paratë e shëndetësisë me shokët, pazar me jetën e shqiptarëve

29 Tetor 2015, 07:26, Aktualitet CNA

Ministri i Shëndetësisë, Ilir Beqaj, nuk di të ndalet në shpërdorimin djallëzor të parave të hedhura për sektorin e shëndetësisë në Shqipëri. Tenderat skandalozë në Ministrinë e Shëndetësisë, me vlerë deri në 100 milionë euro, janë në simetri të plotë me përkeqësimin dhe rrënimin e shërbimit shëndetësor në Shqipëri. Është shqetësuese një tendencë për të dhënë me koncesion çdo shërbim, për të cilin shqiptarët kanë paguar një herë për ta marrë. Ka një perversitet dhe lajthitje jashtë çdo imagjinate të sëmurë për shpërdorimin e parave të taksapaguesve shqiptarë. De fakto Ilir Beqaj po jep me koncesion buxhetin për shëndetësinë. Një kontratë 120 milionë euroshe është firmosur për ?shëndetësinë falas? nga Ilir Beqaj. 120 milionë euro ka marrë një kliente e qeverisë për t?u matur tensionin disa burrave.

Ky shërbim mund të ofrohej shumë mirë nga qendra shëndetësore. Mund të shtohej numri i mjekëve, të ngriheshin disa qendra shëndetësore etj. Por, shëndetësia falas është një sajesë për të vjedhur shqiptarët. Shëndetësia falas sot është kthyer në një tmerr për shqiptarët. Me këtë logjikë, Ilir Beqaj mund të japë me koncesion edhe operacionet në QSUT, edhe shërbimin e urgjencës etj. Dhe drejt kësaj rruge duket se është. Çfarë po ndodh konkretisht? Tenderat me vlerë mbi 80 milionë euro i marrin kompanitë të lidhura me ministrat, por që nuk kanë asnjë lidhje me shërbimet shëndetësore. Ndërkaq, kompania që fiton tenderin me paracaktim, nënkontrakton ish-kompani të ministrave, de fakto kompani të ministrave, për të kryer shërbime të tjera. Vlerat i shënojnë vetë. Bilancet i bëjnë vetë. Kontrollet dhe letrat i bëjnë vetë. Pra, vjedhin të njëjtat duar me një skemë banale.

Mungesa e ilaçeve

Në Qendrën më të madhe Spitalore ?Nënë Tereza? në Tiranë, vijon saga e mungesës së ilaçeve jetike bazë. Mungojnë të paktën 18 medikamente bazë, që sorrollasin pacientët çdo ditë në QSUT. Të pyetur nga gazeta ?Sot?, pacientët pranë qendrës më të madhe spitalore në kryeqytet shprehen se duhet të presin në radhë derisa spitali të furnizohet me medikamentet përkatëse. Çdo ditë vijnë në spital me shpresën se ilaçet kanë ardhur, ndërsa sëmundja nga ana tjetër agravohet, duke rrezikuar jetën e tyre. Shpeshherë pacientët i zëvendësojnë ilaçet e munguara me ilaçe të tjera, që e kryejnë funksionin pjesërisht. Pjesa më e madhe e medikamenteve gjenden nëpër farmaci, por janë tepër të shtrenjta për xhepin e pacientëve të varfër, ashtu si pjesa dërmuese e familjeve shqiptare. Pacientët akuzojnë mjekët se bëjnë pazar me jetët e tyre, pasi zbrasin magazinat e spitalit dhe ilaçet ua dërgojnë farmacive, ku fitimet i ndajnë së bashku. QSUT, fatkeqësisht është vendi ku vdekja blihet me para.

Mungesa e citostatikëve

Problem jetik mbetet edhe mungesa e citostatikëve për sëmundjet tumorale. Herceptina dhe mungesa e gjilpërave te Onkologjiku, është shndërruar në një problem madhor për jetën e pacientëve të sëmurë me kancer. Të sëmurët me sëmundje tumorale janë më të rrezikuarit. Mungesa e herceptinës ka bërë që për shumë të sëmurë të prekur nga kanceri të ndërpritet pa afat trajtimi me kimioterapi deri në sigurimin e medikamentit që ka kosto tepër të lartë, pasi vetëm një seancë kushton 2100 euro. Një paciente nga Dibra vjen shpesh herë në Tiranë për t?u kuruar. Ajo ankohet për mungesën e ilaçeve, të cilat në farmaci shiten me dyfishin e çmimit. ?Spitali nuk ka ilaçe. Në këtë spital kurohen pacientët me sëmundje të rënda dhe ilaçet janë tepër të shtrenjta për t?i blerë në farmaci. Unë një kokërr nga 23 mijë lekë, tani e marr 40 mijë lekë. Spitali ofron vetëm ilaçin Odna. Jam duke bërë kimioterpainë, më kanë rënë flokët, vetullat dhe thonjtë. Më është këshilluar që të konsumoj sa më shumë fruta, por ku t?i gjej paratë. Vij bashkë me vajzën këtu në gjithë atë rrugë të gjatë, dhe ujin e marrë nga shtëpia. Ilaçet janë shumë të shtrenjta. Shteti nuk do t?ia dijë?, u shpreh pacientja nga Dibra./Sot





Lajmet e fundit nga