E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Përplasen institucionet e Ramës, Gjergj Filipi i INSTAT rrëzon Tahirin, kriminaliteti u rrit me 35 % në vitin 2014

16 Maj 2015, 08:59, Aktualitet CNA

Institucionet nën varësi të qeverisë ?Rama? përplasen dhe rrëzojnë njëri-tjetrin sa i takon shifrave të rritjes së kriminalitetit për vitin që lamë pas. Ndryshe nga sa është trumbetuar në letra, 2014 rezulton një vit i trishtë dhe i zymtë për Saimir Tahirin, në krye të degës kryesore të qeverisë, siç është Ministria e Brendshme. Drejtori i Përgjithshëm të INSTAT, Gjergji Filipi, ka rrëzuar shifrat dhe bilancet e ministrit të Brendshëm, Saimir Tahiri, sa i takon kriminalitetit në vitin 2014 dhe performancës së punës së Policisë së Shtetit në uljen dhe parandalimin e krimit. Ndryshe nga shifrat e ministrit të Brendshëm, kreu i INSTAT deklaron se gjatë vitit 2014 ka pasur rreth 35 % më shumë krime krahasuar me vitin 2013, shifër kjo që rrëzon rilindjen e Policisë së Shtetit dhe Ministrinë e Brendshme. Ndërsa Tahiri ka deklaruar uljen e vrasjeve me 10.4% si dhe uljen e krimeve të tjera, Gjergj Filipi pretendon të kundërtën, pra rritjen e krimit në Shqipëri. ?Në vitin 2014 janë evidentuar 26.910 krime, rreth 35 % më shumë krime krahasuar me vitin 2013. Ashtu si totali i krimeve të evidentuara edhe për shumicën e grup-veprave kryesore penale numri i krimeve ka ardhur në rritje për këtë 5 vjeçar. Në ndryshim nga krimet e tjera, krimet kundër personit kanë ardhur në rënie. Krahasuar me vitin 2010, në vitin 2014 veprat si krimet e drogës dhe krimet për pastrimin e produkteve kanë pësuar rritje të ndjeshme, përkatësisht me rreth dyfish më shumë krime të evidentuara për krimet e drogës dhe rreth 4 herë më shumë krime për pastrimin e produkteve?, thuhet në raportin e INSTAT. Po ashtu, INSTAT thotë se numri i të dënuarve në vitin 2014 ka pësuar rritje të ndjeshme me 58,8 % më shumë të dënuar. ?Në vitin 2014 numërohen 13.618 persona të dënuar, 94 % e të cilëve janë persona të rritur. Në krahasim me vitin 2010, në këtë vit janë 60 % më shumë persona të dënuar. Krahasuar me vitin 2013, numri i të dënuarve në vitin 2014 ka pësuar rritje të ndjeshme me 58,8 % më shumë të dënuar. Ndryshe nga vitet e tjera ku të dënuarit për krime tejkalonin të dënuarit për kundravajtje, në vitin 2014 kemi një shpërndarje pothuajse të barabartë midis të dënuarve për krime dhe kundravajtje penale?, thuhet në raportin e INSTAT.

Shifrat e Tahirit

Ministri i Brendshëm, Saimir Tahiri, ka paraqitur një panoramë tjetër sa i takon kriminalitetit në vitin 2014. Tahiri ka pohuar se është ulur numri i vrasjeve, por edhe i krimeve të tjera. ?Në vitin 2014, vrasjet janë ulur 10.4%. Janë të dhëna paraprake por mbetet për t?u shënuar që nga shtatori në dhjetor ulëm vrasjet me 41% në vitin 2013. Nuk është themelore se sa është ulur numri i vrasjeve në 2014. Në 2014, bie në sy akti se mbi 65% e tyre janë për motive të dobëta, krim brenda familjes. Janë 22 vrasje brenda familjes që do të thotë se është themelore të shtojmë mekanizmat shoqërorë dhe socialë për parandalimin e vrasjeve në familje. Motivet e pronësisë kanë shkaktuar 13 vrasje në vit. Kjo do të thotë se duhen shtuar mekanizmat e ndërmjetësimit, dhe të shtohet besimi tek drejtësia, dhe që drejtësia të bëjë drejtësi?, ka deklaruar Tahiri. /Sot