E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

NË DOGANË ME CEKEN E BERATIT

2 Shtator 2014, 19:44, Opinione CNA

HABERET E MITROS

Nga Mitro CELA

Ditën e premte kish një mik të vjetër në shtëpi: Ceken e Beratit. Kur Cekja rrokullisi gotën e tretë të rakisë, I bëra një propozim:
– Në se nesër do kemi diell, drekën do ta hamë në Ulqin!
– Nën qeverinë Rama, perëndia vetëm diell I dërgon Shqipërisë?Nuk ta prish dot!…Kam një lutje, tu bëftë Cekja: Nisemi që pa gdhir. Në doganën e Muriqainit, më kanë thënë, ka radhë të madhe, më keq se doganat e grekut në behar! Ka rrezik të na mbetet levreku pa ngrënë, duke pritur radhën për të kapërcyer kufirin!
– I dashur Ceke! Ta ka ngecur sahati në kohën e babaqemos! Gjërat kanë ndryshuar! Në Muriqan është ngritur një ndërtesë e bukur. Nën një çati janë dy dogana: E Shqipërisë dhe e Malit të Zi. Shkojmë ne, Ceke, para doganës? Vjen polici shqiptar. Me shumë delikatësë na kërkon kartat. Ecën makina. Ndalon para një sporteli. Hapet xhami. Polici nga Mali I Zi të jep letrat. Po me edukatë! Nuk vonojmë më shumë se disa minuta.
Kur unë mbarova ligjiratën, Ceken e kishte zënë gjumi? U ngritëm në mëngjes me nge. Kafen e parë e pimë në shtëpi. Kafen e dytë në kalanë- restorant të ngritur buzë Bunës. Në orën 13 mbritëm në Muriqan?
Llahtar! Vargu I makinave zgjatej si gjarpër. Makinat ecin me hapin e breshkës!… Pas 20 minutave, kishim edhe nja 40 makina përpara. Le gomari, por nuk më linte rehat edhe Cekja:
-Mitro Xhani! Kjo është dogana alla evropiane?!?.Nga llogaritë e mia I bie të hame drekë e darke bashkë?
Zbrita nga makina. Takova një doganier? Më pa me sy të zgurdulluar! Radhën e quajti normale.
-Një makinë kërkon 3-4 minuta për t?u kontrolluar. Njerëzit për qejf shkojnë e vinë. Nuk ka problem se peresin në radhë?…
-Pse nuk punojnë të dy sportelet?…
-Nuk shohim raste urgjente!…
I zgjata dorën?Më mbeti pezull. Doganieri ishte ?thartuar? nga pyetja ime?
U ula në makinë duke dëgjuar ironinë e Cekes. Kur kaluan edhe 15 minuta më thotë miku im:
-A nuk kthehemi! Shkojmë në Shirokë?Kam një mik në Zogaj?Një tavë krapi me verë ?Kallmet?, e bën lanet zëmërimin?
Dhe e lamë Ulqinin?