LEXO PA REKLAMA!

SHKARKO APP

Të larguarit nga administrata. Kultura e një proteste

28 Maj 2014, 15:06, Aktualitet CNA

Largimi nga puna i administratës së vjetër me ndërrimin e qeverive është kthyer në një zakon politik shqiptar tashmë. Me justifikimin e gatshëm të ?emërimeve politike?, nuk është hera e parë që largohen nga puna persona të aftë profesionalisht, por jo domosdoshmërisht të njëjtë nga ngjyrat politike. Të larguarit nga qeveritë e majta etiketohen si të djathtë dhe anasjelltas.

Kujtojmë se si shkak i këtyre shkarkimeve nga vendi i punës brenda një kohe shumë të shkurtër, janë shënuar dy viktima. Rasti i parë ishte ai i 52 vjeçares Brunilda Mekës, nga Korça, e cila i dha fund jetës, duke u vetehelmuar gjatë mesit të muajit prill, për shkak se pak kohë më parë i ishte kërkuar që të largohej nga detyra, për tu transferuar në një komunë, por nga pamundësia për të shkuar në detyrën tjeter dhe gjendja e vështirë ekonomike bënë që ajo të mos e përballonte këtë situatë. Kjo lëvizje në detyrë i kushtoi jetën 52 vjeçares, një bashkëshorte, nënë e dy fëmijëve, qe prej gati 20 vitesh kishte dhënë kontributin e saj si ekonomiste në Drejotrinë e Sigurimeve Shoqerore.

Prej kësaj ngjarjeje që tronditi jo vetëm opinoinin korçar, por gjithë shoqërinë shqiptare, morri shkak një protestë e zhvilluar në qytetin e Korçës, nga Shoqata e Punonjësve të Administratës të larguar nga puna.

Rasti tjetër u shënua një ditë më parë, kësaj here në Lëzhë, ku një 55 vjeçar u vetvra me armë gjahu. Ngjarja ndodhi mëngjesin e djeshëm dhe sipas familjarëve shkaku që e çoi 55 vjeçarin, Mark Brahimaj, drejt këtij akti ka qënë gjendja e rënduar psikologjike, pas largimit nga puna. Ai kishte punuar si pompist në hidrovorin e Tales dhe shkarkimin nga puna e kishte ankimuar në gjyq dhe po sipas familjarëve seanca e parë gjyqësore ishte caktuar për në datën 12 qershor.

Greva e të larguarve nga administrata, që po mbahet në krah të kryeministrisë, prej datës 21 maj, është e para e këtij lloji në vendin tonë, duke krijuar një lloj kulture proteste, jo për nga lloji i saj, por nga kategoria e personave që protestojnë në të, të paktën me shpresën se nuk do të ketë më largime pa kriter nga puna në administratat e ardhshme. ?Të papunët? nga qeveritë e kaluara janë shoqëruar gjithmonë me mbulim mediatik, apo mbështetje politike të opozitës së asaj kohe, por asnjëherë me një rezistencë të mirëfilltë siç është greva e urisë nga vetë personat e prekur drejtpërdrejt. Greva e urisë që po zhvillohet në krah të kryeministrisë ka hyrë në ditën e 8-të të saj. Por duket se grevistët janë të vendosur të vazhdojnë protestën e tyre, pavarësisht problemeve shëndetësore që po i shoqërojnë gradualisht. Ata shprehen të gatshëm t?i shkojnë deri në fund kërkesave të tyre, duke pritur një përgjigje të qartë nga qeveria për heqjet nga puna. Mbetet për tu parë nëse ata do t?ia dalin të përmbushin kërkesat e tyre.

Lajmet e fundit nga