web counter
LEXO PA REKLAMA!

SHKARKO APP

App Store
Google Play

E fundit!

x

Ushtria izraelite nis sulme të reja në Libanin jugor/ Urdhëron evakuimin e qytetit historik

9 Qershor 2026, 11:50, Kosova & Bota CNA

Ushtria izraelite nis sulme të reja në Libanin jugor/ Urdhëron

Forcat ushtarake izraelite kanë ndërmarrë sulme të reja ndaj qytetit të Tirit në jug të Libanit dhe kanë lëshuar një urdhër evakuimi për lagjen e krishterë të qytetit historik.

Zëdhënësi i ushtrisë izraelite, Avichay Adraee, u bëri thirrje banorëve të Tirit dhe zonave përreth, përfshirë lagjen e krishterë, që të largohen menjëherë.

Në një postim në platformën “X”, ai deklaroi se, sipas Izraelit, për shkak të shkeljeve të armëpushimit nga Hezbollahu dhe sulmeve ndaj territorit izraelit, ushtria është e detyruar të veprojë me forcë kundër grupit.

Urdhrat e mëparshëm të evakuimit zakonisht nuk e kishin përfshirë lagjen e krishterë. Megjithatë, kjo është hera e dytë që ushtria izraelite pretendon se Hezbollah po vepron nga kjo zonë dhe se për këtë arsye ajo mund të bëhet objektiv ushtarak.

Ndërkohë, agjencia shtetërore libaneze e lajmeve, (NNA), raportoi se të martën pati sulme të reja në një zonë banimi publike në qytetin e Tirit. Ekipet e shpëtimit, që po kërkonin persona të zhdukur, gjetën edhe një trup tjetër të pajetë.

Këto sulme po ndodhin pavarësisht armëpushimit të ndërmjetësuar nga Shtetet e Bashkuara të Amerikës midis qeverive të Izralit dhe Libanit.

Hezbollahu nuk është palë në marrëveshjen e armëpushimit dhe ka deklaruar se nuk e njeh atë për sa kohë që forcat izraelite vazhdojnë të jenë të pranishme në territorin libanez.

Sipas Izraelit, evakuimi i qytetit të Tirit është i nevojshëm për shkak të aktiviteteve të Hezbollahut dhe shkeljeve të pretenduara të armëpushimit nga ky grup. /CNA





Lajmet e fundit nga