web counter
LEXO PA REKLAMA!

SHKARKO APP

App Store
Google Play

A do ta fitojë Gjermania Kupën e Botës? Befason Klinsmann

2022-11-28 11:41:12, Sport CNA

Jurgen  mendon se skuadra e Hansi Flick nuk do ta fitojë Kampionatin Botëror në Katar.

I pyetur për shanset e Gjermanisë për triumf, Klinsmann, duke folur në BBC Sport, tha: “Është e vështirë. Është një grup që tani po rritet dhe që shpresojmë të kalojë në gjysmëfinale, që do të ishte arritje e madhe. Të fitosh është shumë larg mendoj”.

Klinsmann pranoi se mungesa e portës së paprekur të Gjermanisë në ndeshjet e fundit është gjithashtu një problem.

“Është një shqetësim për Gjermaninë. Është një grup lojtarësh që po rriten. Nuk kemi gjetur ende katër mbrojtëset ideale. Mbrojtësit e krahut nuk janë ende të fortë. Në vitin 2014 kur fituan në Brazil ata luajtën me katër qendërmbrojtës. Mund të përfundojmë në këtë turne edhe me katër qendërmbrojtës”, vazhdoi ai.

Legjenda gjermane Jurgen Klinsmann beson se skuadra e Hansi Flick nuk do ta fitojë Kupën e Botës

Pas fitimit të turneut në vitin 2014, Gjermania u eliminua në fazën e grupeve në vitin 2018 dhe ata do të jenë të vendosur të shmangin të njëjtin fat këtë herë.

Spanja kaloi në epërsi të dielën me Alvaro Moratan, por barazimi i Fullkrug i dha Gjermanisë një shtysë të konsiderueshme.

Klinsmann ka parashikuar që skuadra e Flick do të kalojë në gjysmëfinale në Katar.

Gjermania duhet të mundë Kosta Rikën në ndeshjen e fundit të grupit dhe shpreson që Spanja të mundë Japoninë.

Klinsmann fitoi Kupën e Botës në vitin 1990 dhe shënoi 47 gola për vendin e tij. Ai gjithashtu i menaxhoi ata midis vitit 2004 dhe 2006.





Lajmet e fundit nga