Shehi rendit arsyet/ Pse shqiptarët duhet të protestojnë më 7 korrik

2022-07-04 20:48:00, Politikë CNA

Shehi rendit arsyet/ Pse shqiptarët duhet të protestojnë më

Kreu i LZHK-së, Dashamir Shehi

Lëvizja për Zhvillim Kombëtar do t’i bashkohet protestës së thirrur nga kryetari i Partisë Demokratike, Sali Berisha, më 7 korrik.

Lajmin e ka bërë të ditur kreu i LZHK-së, Dashamir Shehi, i cili deklaron se do të qëndrojnë pranë shqiptarëve, të cilët protestojnë për jetesën e tyre dhe jo luftës politike për karrige pushteti.

Shehi ka renditur disa nga arsyet se përse duhet marrë pjesë në protestë, ndërsa thekson se vetëm të rinjtë e kanë në dorë ndryshimin e sistemit.

Statusi i plotë i Dashamir Shehit:

Lëvizja për Zhvillim Kombëtar, do të protestojë.

Do të qëndrojë pranë shqiptarëve, të cilët protestojnë për jetesën e tyre dhe jo luftës politike për karrige pushteti!

Thuaji JO, Korrupsionit.

Protesto ndaj çmimeve të larta.

Protesto ndaj bordeve fantazëm.

Thuaj JO, oligarkisë.

Protesto për pluralizmin politik.

Protesto për lirinë e fjalës.

Thuaji JO, sistemit.

Protesto për përfaqësim më të mirë.

Protesto për barazi ndaj ligjit.

Thuaji JO, shpopullimit të vendit.

Protesto ndaj degradimit të arsimit.

Protesto për të rinjtë që po ikin.

Forca e ndryshimit, qendron në përfshirjen e të rinjve në politikë.

Politikanë të rinj, të pakorruptuar dhe të pashantazhueshëm nga Kupola e Sistemit.

Sistemi s’mund të ndryshojë nga ata të cilët vet e krijuan atë.

Lëvizja për Zhvillim Kombëtar, do të protestojë pranë njerëzve të cilët kërkojnë ndryshim, pranë njerëzve që mbrojnë vlerat e demokracisë, i thonë jo korrupsionit, jo establishmentit të vjetër.

Për këto arsye do të protestojmë.

Për qytetarët dhe jo për të caktuar kush do jetë shefi i Opozitës.

Për qytetarët dhe jo për karriget e klaneve të Opozitës.

Vetëm të rinjtë e kanë në dorë ndryshimin e sistemit, me forca të reja, ide të reja, vullnet për të punuar dhe për tu zhvilluar, me qasje të re moderne, pro evropiane dhe pro atlantike.