web counter
LEXO PA REKLAMA!

SHKARKO APP

App Store
Google Play

E fundit!

x

Rritja e korrupsionit në Shqipëri/ Meta ashpërson tonet ndaj Qeverisë

2022-07-14 10:40:00, Politikë CNA
Rritja e korrupsionit në Shqipëri/ Meta ashpërson tonet ndaj
Presidenti Ilir Meta

Presidenti Ilir Meta ka reaguar me tone të ashpra pas lajmit se shqiptarët dhe rusët kanë pasur përkeqësimin më të lartë të indeksit të korrupsionit në vitin 2021.

Me anë të një statusi në rrjete sociale, Meta thotë se ky është një rekord i papranueshëm, ndërsa thekson se nuk suprizohet nga të dhënat e EUROSTAT.

Kreu i Shtetit deklaron se mungesa e llogaridhënies në çdo nivel vendor dhe qendror, abuzimet me fondet publike nëpërmjet inceneratorëve, koncensioneve dhe PPP-ve, si dhe një drejtësi nën kontrollin e pushtetit, natyrshëm që do të sillte këto rezultate.

“Një tjetër rekord i papranueshëm! Shqipëria rezulton vendi më i korruptuar në rajon dhe në Europë, duke lënë pas, sipas EUROSTAT, vetëm Rusinë.

Asnjë surprizë!

Mungesa e llogaridhënies në çdo nivel vendor dhe qendror, abuzimet me fondet publike nëpërmjet inceneratorëve, koncensioneve dhe PPP-ve, si dhe një drejtësi nën kontrollin e pushtetit, natyrshëm që do të sillte këto rezultate.

Vetëm lufta e hapur dhe pa kompromis kundër korrupsionit parandalon falimentimin e Shqipërisë dhe rikthen shpresën tek qytetarët, që në masë po detyrohen të braktisin Atdheun.

Çlirimi i Shqipërisë nga korrupsioni dhe kapja e shtetit është sot interesi dhe prioriteti ynë kombëtar!”, shkruan Presidenti./ B.A. – CNA.al





Lajmet e fundit nga