web counter
LEXO PA REKLAMA!

SHKARKO APP

App Store
Google Play

Nuk ndalet opozita/ Zbulohet kur do të mbahet protesta e radhës

2026-01-30 13:49:00, Politikë CNA

Nuk ndalet opozita/ Zbulohet kur do të mbahet protesta e radhës

Kreu i PD-së, Sali Berisha, ka zbuluar se protesta e radhës e opozitës do të mbahet në datën 10 shkurt në orën 17:00.

"Çdo përpjekje, përveç se përpjekjeve tuaja, janë humbje kohe.

Sot më shumë se kurrë është fjala juaj, është guximi juaj, është revolta juaj, zemërimi juaj, qëndrimi ndaj padrejtësisë, ndaj vjedhjes, ndaj narkoshtetit, ndaj varfërimit dhe mjerimit nga plaçkitja e kësaj qeverie, që duhet të shpëtojë, dhe do të shpëtojë Shqipërinë.

Edi Rama në vend të dorëheqjes së tij, shëtit si i vdekuri me të gjallin me Lubi Ballukun, për t’u thënë shqiptarëve, për të sfiduar qytetarët, për t’i ofenduar ata dhe më shumë se ofendim, se unë ju kam plaçkitur dhe do t'ju plaçkis dhe se mos mendoni kurrë se drejtësia apo ligji janë për Ramën apo Lubinë, por janë vetëm për ata që duan këta të dy.

Ka qenë dhe është bindja ime më e prerë, se është vetëm sovrani, gjuha e tij, revolta dhe zemërimi i tij ata që do të bindin këtë grusht hajdutësh, këtë organizatë kriminale të kryesuar nga Edi Rama, të largohen një minutë e më parë nga pushteti dhe të hapin rrugën për qeveri teknike, zgjedhje të ndershme.

Në Tiranë, dhe kudo në Europë e botë, 24 janari është i gjallë çdo ditë. Çka do të thotë, qytetarët shqiptarë, shqiptarët në diasporë dhe kudo, miqtë e shqiptarëve, presin protestën, revoltën dhe vetëm revoltën e qytetarëve shqiptarë.

Ndaj dhe ftoj të gjithë të rinjtë shqiptarë, burrat, gratë, të moshuarit, të bashkohemi në datën 10 shkurt në orën 5:00 në Tiranë për t’i dhënë leksionin e merituar kësaj organizate kriminale me në krye Edi Ramën", tha Berisha./ CNA





Lajmet e fundit nga