web counter
LEXO PA REKLAMA!

SHKARKO APP

App Store
Google Play

Inceneratorët/ Boçi

2022-07-13 14:09:00, Politikë CNA
Inceneratorët/ Boçi
Nënkryetari i PD-së, Luçiano Boçi

Nënkryetari i PD-së, Luçiano Boçi, ka reaguar ashpër ndaj Qeverisë, lidhur me aferën e inceneratorëve, pas lajmit se një prej të moshuarave jetonte duke mbledhur kanaçe.

Me anë të një statusi në rrjetet sociale, Boçi thotë se edhe 10 komisione hetimore nuk do të mjaftonin për të nxjerrë në shesh panoramën e plotë të aferës së inceneratorëve

Ai deklaron se arsenali mafioz është iniciuar në korridoret e ministries dhe në majë të saj qëndron kryeministri Edi Rama, të cilin e krahason me gjelin në majë të plehut.

“Edhe 10 komisione hetimore nuk do të mjaftonin për të nxjerrë në shesh panoramën e plotë të aferës së inceneratorëve. E iniciuar në korridoret e ministrisë tentakulat e saj shkojnë tashmë deri në rrugicat e varrezave.

Aty ka gjithçka nga arsenali mafioz.

Shitës kanaçesh të bërë miliarderë, të moshuar në prag të fundjetës që presin të vdesin si milionerë pa asnjë lek në xhepin e tyre, kontrata shkel e shko, procedura pa shpallje me përcaktim, tenderim me rregullim e detyrim, po pa datë pa lajmërim, transaksione me orientim e qëllim. E shumë e shumë plehrizëm brenda!

Dhe në majë fare është ai gjeli.

Gjeli në majë të plehut.

Ai që është frymëzuesi, projektuesi, zbaruesi e krenari i kësaj afere.

Kryeministri i shtetit të vogël mafioz që me siguri destinacion ka dampën e plehrave!”, shkruan nënkryetari i PD-së./ B.A. – CNA.al





Lajmet e fundit nga