web counter
LEXO PA REKLAMA!

SHKARKO APP

App Store
Google Play

Dhurata Çupi bën llogaritë/ Dëmi që shkakton harta e re gjyqësore në kurrizin e shqiptarëve

2022-07-13 14:55:00, Politikë CNA
Dhurata Çupi bën llogaritë/ Dëmi që shkakton harta e
Deputetja e Partisë Demokratike, Dhurata Çupi

Deputetja e Partisë Demokratike, Dhurata Çupi, ka argumentuar se përse është kundër  hartës së re gjyqësore.

Në mbledhjen e sotme të Komisionit të Ligjeve, Çupi Çupi tha se nga mbyllja e gjykatave do të rriten kostot si në kohë, edhe në para.

“Në total do të mbyllen 18 gjykata, çka do të thotë se qytetarët e këtyre qyteteve do të duhet që për çështjet e tyre t’u drejtohen qyteteve të tjera, duke rritur kostot në kohë dhe para”, u shpreh ajo.

Më tej, deputetja deklaroi se me riorganizimin e hartës qytetarëve do t’i duhen deri në 5 orë rrugë për të mbërritur në gjykatën ku zhvillohet në seancë dhe rrjedhimisht do të rëndojë xhepat e shqiptarëve, po ashtu edhe të avokatëve.

“Sot që flasim një qytetari për të shkuar në Gjykatën e Shkallës së Parë mund t’i duhen nga 1 – 1.5 orë, ndërsa sipas riorganizimit gjyqësor qytetarëve do t’iu duhen 2.5 – 3.5 orë për të arritur në gjykatë. Sa i përket gjykatave të apelit, qytetarëve mund t’iu duheshin deri në 2.5 orë për të aksesuar gjykatën, ndërsa me riorganizimin gjyqësor do t’iu duhen deri në 5 orë.

Pra, mendojeni pak 5 orë vajtje dhe 5 orë ardhje, do të thotë 10 orë për të ndjekur një proces gjyqësor. Për ilustrim, një qytetari që banon në fshatrat e Shkodrës, Pukës, Korçës apo Gjirokastrës dhe ka një proces gjyqësor në orën 09:00, do t’i duhet të niset rreth orës 4 ose 5 të mëngjesit në mënyrë që të arrijë rreth orës 08:45 në gjykatë.

Të njëjtat distanca do të duhet të përballohen edhe nga avokatët e palëve, duke rritur kështu kostot e dyfishta në kohë dhe para për qytetarin. Këto janë përllogaritje të bëra nga vetë KLGJ, nëpërmjet aplikacioneve online, që siç e thamë më lartë vështirë se mund të merren për referencë në kushtet infrastrukturore të Shqipërisë”, theksoi Çupi./ B.A. – CNA.al





Lajmet e fundit nga