“Lekët i kam të deklaruara”/ Rrëfehet ish-zyrtarja Klosi: Si e zbulova grabitjen

2023-01-08 16:46:00, Kronika CNA

“Lekët i kam të deklaruara”/ Rrëfehet ish-zyrtarja

Në 15 dhjetor të 2022-shit ra pre e grabitjes ish-zyrtarja e lartë në Kryeministri, Alda Klosi, të cilës pastruesja Rozeta Dobi dhe djali i saj, Havier Dobi i morën shuma të mëdha parash dhe bizhuteri.

Për këtë grabitje ka folur së fundmi vetë Klosi, e cila tha se të gjitha paratë që i janë grabitur kanë qenë të deklaruara.

“Lekët i kam të gjitha të deklaruara. Lekët i kisha për një rast fatkeqësie, për xhaxhin tim që e kam me tumor. Ndodhet në SHBA. I kemi gjetur, mbledhur lekët për këtë rast. Unë kam qenë në Amerikë. Denoncimin e bëra vetë”, u shpreh ajo për “5pyetjet”.

Prokuroria duhet të hapë të gjitha dosjet ku ka firmosur Alda Klosi
8 Janar, 14:47

Ajo ka rrëfyer se pastruesen e kishte punësuar para 5 vitesh dhe grabitjen e kishte zbuluar nga kamerat.

“E kisha punësuar prej 5 vitesh. Ajo ka bërë masakër në hapjen e derës. Ka inskenuar një skemë llahtari.

Ka inskenuar vjedhjen. Banesa është hapur me çelës. Por ajo e inskenoi. Kishte inskenuar sikur ishte grabitje. Hedhur rrobat, shqyer dollapi”, ka theksuar ajo.

Gjithashtu, Klosi ka deklaruar se nuk i kishte shkuar mendja më parë se do të ndodhte diçka e tillë.

“Jo, fare nuk më shkoi mendja. Por ngaqë ishin bërë disa grabitje në banesa. Jam ndjerë shumë keq. Më ka lënë një shije shumë të keqe. Plus edhe momenti, situata e rënduar, kam xhaxhain duke vdekur. Ato kanë qenë lekë për kurimin e tij.

Nuk më ka shkuar mendja te ky person. Kjo grua ka punuar në 20 shtëpi të tjera prej shumë vitesh. E kanë kapur kamerat. Unë erdha kastile nga Amerika me urgjencë. Erdha pardje, shkova në polici dhe bëra denoncimin.

Pastruesja dhe djali i saj vodhën 120 mijë euro dhe bizhuteri/ Pronarja e banesës, ish-zyrtare në Kryeministri
8 Janar, 14:33

Policia bëri një punë të palodhur. Ky njeri përbën një rrezik publik. Sa shumë familje mund të jenë dëmtuar. Sepse ajo punonte në shumë banesa. Por me denoncimin që bëra i bëra një të mirë komunitetit”, u shpreh ish-zyrtarja.

Gjithashtu, ajo theksoi se shuma konkrete që i ka grabitur astruesja me djalin e saj është 58 150 euro, 7000 dollarë dhe 368 000 lekë të rinj, sende me vlerë

“Shuma që sot njoftoi policia se ka sekuestruar nuk ka lidhje me mua. Vetëm shuma e djeshme. (58 150 euro, 7000 dollarë, 368 000 lekë të rinj, sende me vlerë).

Ajo e ka pranuar vetë që i ka marrë. Madje shumën e kam të deklaruar. Se po të ishte e kundërta nuk e bëja denoncimin. Shuma tjetër që është zbuluar sot nga policia mund të jetë marrë në shtëpi të tjera”, përfundoi Alda Klosi./ B.A. – CNA.al