web counter
LEXO PA REKLAMA!

SHKARKO APP

App Store
Google Play

E fundit!

x

Prurjet nga reshjet/ Ministrja e Bujqësisë: Si paraqitet situata në Hidrovorin e Çasit

2022-11-20 22:51:00, Aktualitet CNA
Prurjet nga reshjet/ Ministrja e Bujqësisë: Si paraqitet situata
Ministrja e Bujqësisë dhe Zhvillimit Rural, Frida Krifca nga Hidrovori i Çasit, në Shkodër.

Ministrja e Bujqësisë dhe Zhvillimit Rural, Frida Krifca, ka njoftuar për situatën nga Hidrovori i Çasit, në Shkodër.

Krifca tha se aktualisht situata është nën kontroll dhe nuk konstatohen problematika të rënduara.

Ajo deklaron se kapaciteti i hidrovorit të Çasit është 15 metër kub në sekond dhe po mbahet në monitorim.

“Jemi në Hidrovorin e Çasit, tejet i rëndësishëm ky hidrovor për tërheqjen e ujit nga fushat e Çasit rreth 1500 hektarë të mbjella me foragjerë, me grurë, të cilat vihen në vështirësi për shkak të reshjeve, por ndërkohë, hidrovori është në funksion të plotë.

Ekipet janë këtu duke punuar. Katër pompat janë aktualisht në dispozicion duke tërhequr ujin. Nuk shikojmë asnjë problematikë të rënduar. Kapaciteti i këtij hidrovori është 15 metër kub në sekond. Puna vazhdon me ritme nga ekipet tona këtu dhe do të jemi në monitorim të vazhdueshëm për të mbajtur situatën në kontroll”, shprehet ministrja./ B.A. – CNA.al





Lajmet e fundit nga