web counter
LEXO PA REKLAMA!

SHKARKO APP

App Store
Google Play

Me patupërsi nga zyrat e PD-së Garo&Co, tallen me të përmbyturit/ “Kur ikën macja minjtë hedhin valle”

2022-11-21 13:32:00, Aktualitet CNA

Me patupërsi nga zyrat e PD-së Garo&Co, tallen me të

Shkodra dhe disa zona të tjera të Shqipërisë janë përmbytur.

Dhjetra banorë janë evakuuar, pasi shtëpitë e tyre janë izoluar ngë uji.

Pa një strehë në kohë, me tokat e shkatërruara nga uji me bagëtinë që s’dihet a ka mbijetuar po bëjnë xhiron e mediave.

Për Floriana Garon dhe sojin e sorollopin e saj, kjo situatë nuk është e rëndësishme.

Kreu i PD-së, Sali Berisha ka lënë zyrën, Tiranën komode dhe është nisur drejt zonave të përmbytura në veri, nga ana tjetër, zëdhënësat me shumicë në PD, po gajasen e krekosen zyrave.

Madje janë aq të paturp sa ta rrëfejnë këtë edhe në rrjete sociale, siç ka bërë Floriana Garo, që më shumë si zëdhënëse, njihet si modelja që i shkruanin në një copë letër motin dhe ta recitonte para kamerave.

Me anë të një fotoje, postuar në rrjetin e saj sociale, ku duken Flamur Noka, Alfred Lela e të tjerë, buzëqeshja është vesh më vesh.

“Takimet e së hënës.

Javë të mbarë miq e me mot sa më të butë!

Me patupërsi nga zyrat e PD-së Garo&Co, tallen me të

Lumturia e tyre nga zyrat e ngrohta të PD-së, vjen si një shuplakë për ata banorë që sot janë të përmbytur dhe pa një strehë mbi kokë.

Kështu po tallen me ta nga Tirana, të ashtuquajturit zëdhënësa, në mungesë të Berishës.

“Kërcejnë valle minjtë, pasi ikën macja”. Kjo është motoja që i shkon për shtat fotos së Garos dhe miqve të saj, ndërsa i kreu i PD-së mundohet të japë një shembull ndryshe, duke zbritur në terrenin e përmbytur./CNA.al





Lajmet e fundit nga