web counter
LEXO PA REKLAMA!

SHKARKO APP

App Store
Google Play

E fundit!

x

Ish-drejtuesi i policisë ‘plas bombën’/ Politika po strehon kriminelë në gjirin e vet

2022-11-25 19:06:00, Aktualitet CNA
Ish-drejtuesi i policisë ‘plas bombën’/ Politika po
Ish-kreu i Prokurorisë së Krimeve të Rënda, Eugen Beci

Ish-kreu i Prokurorisë së Krimeve të Rënda, Eugen Beci, ka bërë një deklaratë të fortë, teksa ka folur për krimin e organizuar dhe laboratorin e drogës në Fier.

Beci tha në Euronews Albania se eksponentë të krimit të organizuar kanë gjetur strehë në partitë politike shqiptare.

Sipas tij, sot në politikë ka pjesëtarë të krimit dhe jo thjeshtë bashkëpunëtorë.

“Bashkëpunimi me eksponentë të ndryshëm të politikës është i njohur një çdo vend të botës. E rëndësishme është sa ta patundueshëm janë politikanët shqiptarë. Siç duket, politikanët shqiptarë ose nga naiviteti, gjë që e dyshoj, ose se duan të fitojnë vota në zona të caktuara përkrahin njerëz të dyshimtë në aktivitetit kriminal. Ata gjejnë një strehë në partitë politike shqiptare duke i përkrahur ose duke e lehtësuar punën.

Ka një lloj evolucioni në lidhje me bashkëpunimin e politikës me krimin. Në rast se vite më parë politika e mbyllte syrin përballë krimit, duket se sot që flasim politika sikur po merr në gjirin e saj dhe pjesëtarë të krimit. Në rast se dikur ka pasur bashkëpunëtorë sot mund të ketë pjesëtarë të politikës që merren me krimin”, theksoi ish-kreu i Prokurorisë së Krimeve të Rënda./ B.A. – CNA.al





Lajmet e fundit nga