web counter
LEXO PA REKLAMA!

SHKARKO APP

App Store
Google Play

“Dubai, parajsë fiskale dhe penale”/ Hoxha: 7 shqiptarë investuan një miliard dollarë

2022-11-21 23:04:00, Aktualitet CNA
“Dubai, parajsë fiskale dhe penale”/ Hoxha: 7 shqiptarë
Gazetari investigativ, Artan Hoxha

Gazetari investigativ, Artan Hoxha ka folur për investimet e trafikantëve shqiptarë në Dubai.

Hoxha tha në emisionin "Të Paekspozuarit" se paratë e investuara nga shqiptarët në Emiratet e Bashkuara Arabe vijnë kryesisht nga trafiqe dhe krimi i organizuar. 

Sipas tij, shqiptarët që janë vendosur në Dubai nuk përdorin kartë edhe pse bëjnë pagesa me mijëra dollar.

Ai tregoi se vetëm në një rast shtatë persona bënë 1 miliardë dollarë investime në Dubai.

"Shqiptarët e kanë kthyer në parajsë fiskale dhe penale. Deri tani vetëm Italia ka marrë Rafaelon, një nga bosët e mafias. Shqipëria ka tentuar të ekstradojë dhe nuk ka arritur dot. Tentativën e fundit e bëri Belgjika për të ekstraduar një shqiptar, por nuk u arrit.

Këta shqiptarët që janë vendosur në Dubai, asnjëri nuk përdor kartë edhe pse bëjnë pagesa me mijëra dollarë. Të gjithë përdornin kesh me sasi të mëdha. Ajo që më bëri përshtypje, nuk e besoja se mund të kishim narkotrafikantë, të kapnin investime mbi 100 milionë euro. Vetëm në një rast ishin shtatë persona me 1 miliardë dollarë investime. Shqiptarë këta. Kjo më bëri të kuptoj edhe më mirë, pse kryeministri ynë kërkon amnistinë fiskale dhe të fusë ato para në Shqipëri.

Nuk janë kompani të regjistruara këto. Këto do t’i dëgjosh në dekadën e ardhshme. Nuk janë vrasës domosdoshmërisht, janë trafikantë. Kanë bërë trafik nëpër botë dhe punojnë në tre kontinente. Paratë i kanë çuar në Dubai.

Njëri prej tyre në Ekuador më tha, sot kemi dy mundësi. Ose t’i çojmë paratë në Dubai, ose t’i sjellim në Shqipëri dhe t’jua japim oligarkëve shqiptarë. Nëse ua japim atyre, ata kontrollojnë drejtësinë, policinë, gjykatën, një ditë të sulin këta dhe ti marrin.

Unë jam që amnistia fiskale të bëhet, sepse ato para janë këty dhe qarkullojnë gjithsesi. Në momentin që te ne ka patur porosi për vrasje 500 mijë euro, apo edhe më shumë, do të thotë që paraja e zezë është në qarkullim", deklaroi Hoxha./ B.A. - CNA.al





17:35 TODAY

Sokol Balla

Sokol Balla ka kapërcyer nga një televizion në një tje...

Lajmet e fundit nga