web counter
LEXO PA REKLAMA!

SHKARKO APP

App Store
Google Play

Alabbar tregon arsyen/ Pse vendosi të investojë në Shqipëri për portin e Durrësit

2022-11-26 21:34:00, Aktualitet CNA
Alabbar tregon arsyen/ Pse vendosi të investojë në Shqipëri
Biznesmeni dhe investitori, Mohamed Alabbar

Kreu i “Eagle Hills”, kompanisë që pritet të investojë 2.1 miliardë euro për projektin e portit të ri të Durrësit, biznesmeni Mohamed Alabbar ka treguar arsyen se përse vendosi ta marrë përsipër këtë projekt.

Alabbar tha në emisionin “Revieë” se arsyeja kryesore ishin parametrat ekonomikë.

Ai deklaroi se për të bërë investime, kërkon ekonomi që janë në zhvillim dhe jo ekonomi të mëdha si Franca, Gjermania apo Anglia.

“Që të tregohem i sinqertë, pashë parametrat ekonomike. Nuk do ta zhvilloj një projekt të tillë në Francë, Gjermani apo në Angli. Mendoj se këto ekonomi janë të fryra, mundësitë për biznes janë të vogla, ka një burokraci të gjatë.

Por po të shohësh Shqipërinë, dhe sikurse thashë, ishit vendi i parë apo vendi i dytë për rritjen e turizmit dhe për rritjen ekonomike. Pra, unë po kërkoj një ekonomi që po zhvillohet, e kam negociuar këtë kontratë në këto dy vite dhe çdo vit, më ka treguar se ju po ia dilni më mbanë se çdo vend tjetër”, theksoi biznesmeni./ B.A. – CNA.al





13:12 TODAY

Britanikët

Mediat britanike prej kohësh tashmë i kanë dhënë një vëmen...

Lajmet e fundit nga