web counter
LEXO PA REKLAMA!

SHKARKO APP

App Store
Google Play

E fundit!

x

140 persona evakuoohen në Shkodër/ Haki Çako:Përmbytjet janë nën kontroll

2022-11-21 12:23:00, Aktualitet CNA

140 persona evakuoohen në Shkodër/ Haki Çako:Përmbytjet

Kreu i Emergjencave Civile, Haki Çako ka dhënë informacione mbi jep informacion mbi situatën në zonat e përmbytura dhe kryesisht në Shkodër.

“E jashtëzakonshme, prurjet kanë qenë me intensitet mbi 2 mijë metër kub për sekondë, prurje e jashtëzakonshme dhe reshje nga të gjithë lumenjtë drejt basenit të Drinit”, është shprehur Çako.

Në një lidhje telefonike me MCN Live, Çako tha se në Shkodër janë ngritur dhe angazhuar të gjitha mjetet dhe situata po menaxhohet në bashkëpunim me prefekturën, bashkinë dhe institucionet përkatëse.

Ai ka thënë se janë evakuuar rreth 140 persona nga zonat ku ka pasur prezencë uji në banesa dhe janë identifikuar nevojat.

“Në shërbim ndodhen gjithë Forcat e Armatosura, ato operacionale, por dhe vullnetarë të angazhuar nga pushteti vendor dhe institucionet qendrore.

Janë angazhuar në kapacitete të plota Ministria e Mbrojtjes, Ministria e Brendshme, Ministria e Infrastrukturës. Janë në kontakt intensiv gjithë autoritetet për menaxhimin e ujërave dhe basenave”, është shprehur më tej Çako.

Sipas tij, qytetarët janë njoftuar në kohë dhe janë ndihmuar në evakuimin nga ato banesa që janë në risk, të cilat janë përmbytur më parë dhe përmbyten edhe aktualisht për shkak të pozicionit që kanë kryesisht në zonën e Nënshkodrës.

“Intensiteti i pashkëputur i reshjeve në zona të caktuara çon në rritjen e prurjeve në basenet kryesore që kanë efekte në pjesën e Nënshkodrës, por edhe në Malësinë e Madhe dhe Lezhë, ku prurjet kanë qenë të menjëhershme dhe të furishme dhe kanë sjellë edhe pasojat e dëmtimeve.

Hidrocentralet janë në punë, kanë qenë në punë, jemi dëshmitarë që kanë qenë në nivelin maksimal dhe nuk mund të konsiderojmë prurjet apo shkarkimin e hidrocentraleve si shkaktarë të kësaj situate.

KESH është në punë dhe ndjek të gjithë nivelet. Nuk jemi në situata kritike për basenet e Drinit”, ka thënë më tej ai./CNA.al





Lajmet e fundit nga