E fundit!

22:57 Politikë

Rama, intervistë për BBC/ Kundërshton Albin Kurtin: SHBA dhe BE kanë të drejtë

Kryeministri Edi Rama ka komentuar situatën në veri të...

Adriatik Doçi tha se kishte firmosur marrëveshje/ Reagon "Conad Albania"

23 Mars 2023, 17:47, Aktualitet CNA

Adriatik Doçi tha se kishte firmosur marrëveshje/ Reagon "Conad

Kompania e supermarketeve italiane, "Conad Albania" ka reaguar në lidhje me përgjimet e fundit të Adriatik Doçit ku shprehet se ajo nuk ka asnjë marrëveshje me gazetarin.

Me anë të një reagimi kjo kompani shprehet se ka nënshkruar vetëm një marrëveshje publiciteti me televizionin "Report TV" njësoj siç ka bërë me televizionet e tjera dhe jo me gazetarin Doçi.

"Conad Albania" thekson gjithashtu se marrëveshja e fundit është nënshkruar për një sponsorizim të një emisioni gatimi me këtë televizion.

Reagimi i Conad Albania:

“Pas deklaratave të fundit të publikuara sot në disa portale, dhe rrjete sociale, të marra nga përgjimet, ndoshta të nxjerrja jashtë kontekstit, në të cilat flitet për një marrëveshje hipotetike, jotransparente, që përfshijnë ndër të tjera, emrin e Conad, e ndjejmë për detyrë të sqarojmë opinionin publik se:

Conad Albania nuk ka asnjë lloj marrëveshjeje me gazetarin Doçi, por vetëm ka nënshkruar një marrëveshje publiciteti ligjore dhe transparente me disa televizione, përfshirë edhe Report TV.

Më konkretisht, marrëveshja e fundit e nënshkruar me Report Tv dhe që zgjat 6 muaj, nga nëntori 2022 deri në prill 2023, ka të bëjë me sponsorizimin e një emisioni gatimi, i cili transmetohet çdo mëngjes”.

Kujtojmë se deri më tani janë publikuar tre audiopërgjime të Doçit ku ky i fundit mëson kolegen se si përfitohet me anë të gjobave ndaj bizneseve, politikanëve, si dhe ndaj prokurorëve dhe gjykatësve. Gjatë një audiopërgjimi ai shprehej se kishte marrëveshje me "Conad Albania", me të cilin sipas tij kishte bërë marrëveshje për të mos publikuar në media asnjë denoncim ndaj kësaj kompanie./CNA