Zgjedhjet në FSHF/ Veliaj padit në prokurori dy zyrtarët

25 Janar 2022, 10:40, Politikë CNA
Zgjedhjet në FSHF/ Veliaj padit në prokurori dy zyrtarët

Kryetari i Bashkisë Tiranë, Erion Veliaj ka kallëzuar penalisht Ilir Shulkun, sekretarin e përgjithshëm të FSHF dhe Adrian Haçi, Sekretar i Përgjithshëm i Shoqatës Rajonale të Futbollit Tiranë.

Padia është dorëzuar në prokurorinë e Tiranës, për dijeni edhe Prokurorisë së Përgjithshme, me akuzën ?Falsifikimi i dokumentave? dhe, ?Shpërdorim detyre?, ?parashikuar nga neni 186 dhe 248 i Kodit Penal”.

Veliaj kërkon kryerjen e një hetimi të plotë nga organi i akuzës, në lidhje me identifikimin e plotë të listës së delegatëve pjesëmarrës në mbledhjen e zhvilluar me datë 24.01.2022, për zgjedhjen e Kreut të Shoqatës së Futbollit të Tiranës si dhe sekuestrimin e provave.

?Kërkojmë në mënyrë të menjëhershme sekuestrimin e gjithë dokumentacionit të hartuar nga Federata Shqiptare e Futbollit dhe nga Shoqata Rajonale e Futbollit Tiranë, si dhe të gjithë serverat e këtyre dy institucioneve me qëllim sigurimin e provave për faktet penale të referuar dhe ndalimin e vijimit të shkeljeve të mëtejshme që do sjellin si pasojë deformimin kriminal të vullnetit të anëtarëve të këtyre OJF-ve. Kërkojmë marrjen e masave të menjëhershme dhe ndjekjen penale të shtetasit Ilir shulku dhe Ardian Haçi, me detyrë Sekretar i Përgjithshëm i Federatës Shqiptare të Futbollit dhe Shoqatës Rajonale të Futbollit Tiranë, si personat përgjegjës për administrimin e dokumentacioni elektronik dhe fizik të institucioneve që përfaqësojnë?, thuhet ndër të tjera në padi.

Kujtojmë këtu se një ditë më parë, Veliaj u shpreh se do t?i shkojë deri në fund çështjes me zgjedhjet në Shoqatën Rajonale Tiranë, këtë herë duke ndjekur në mënyrë ligjore, pasi e konsideroj nul, vendimin e marrë nga kjo shoqatë, që zgjodhi Krenar Alimehmetin si drejtues./CNA.al

Lajmet e fundit nga