Skënderbeu bën goditjen e radhës në merkato, vjen ish-lojtari i Partizanit

25 Janar 2022, 13:44, Sport CNA
Skënderbeu bën goditjen e radhës në merkato, vjen

Skënderbeu ka bërë sot goditjen e radhës në merkato. Bardhekuqtë arrijnë akordin me Dajan Shehin, i cili sapo u largua nga Partizani dhe zgjodhi Skënderbeun për të vijuar pjesën e mbetur të sezonit.

Mbrojtësi elbasanas bëhet kështu afrimi i radhës për korçarët në prapavijë duke kompletuar repartin që kishte më pak alternativa nga Memelli, aq sa disa herë është dashur të eksperimentojë.

Tashmë Shehi është një futbollist i Skënderbeut për pjesën e mbetur të sezonit. Ai pritet që të mbërrijë sot në juglindje për t?u vënë menjëherë nën urdhrat e Memellit.

Nuk dihet ende nëse lojtari do të jetë gati për ndeshjen e Kupës ndaj Teutës që luhet të enjten. Por nëse do të ndodhë kështu, mund të ishte një lehtësim i madh për trajnerin korçar që duhet të bëjë ballë edhe me mungesat e shumta që ka në ekip.

Lajmet e fundit nga