LEXO PA REKLAMA!

SHKARKO APP

180 milionë lekë kosto për zgjedhjet e pjesshme vendore/ Celibashi: Në Vorë, votim elektronik

21 Janar 2022, 10:49, Politikë CNA
180 milionë lekë kosto për zgjedhjet e pjesshme vendore/

Komisioneri Shtetëror i Zgjedhjeve Ilirjan Celibashi gjatë një deklarate për mediat ka bërë të ditur edhe koston e zgjedhjeve të pjeshme vendore.

Celibashi theksoi se kostoja e zgjedhjeve të pjesshme lokale të 6 marsit në 6 bashki të vendit është 180 milion lekë.

E ndërsa në të gjitha bashkitë do të aplikohet identifikimi elektronik, ai tha se në njërën nga këto bashki, në Vorë do të aplikohet edhe votimi elektronik.

?Kemi bërë një vlerësim paraprak të kostos dhe në fund të ditës së sotme do ta përfundojmë, janë rreth 180 mln lekë kosto. Po punojmë, edhe pse koha është e shkurtër. Do të bëjmë edhe një sqarim, edhe për këto zgjedhje të aplikohet identifikimi elektronik. Në një konsultim me partitë do të vendosim në lidhje me zhvillimin, aplikimin e votimit elektronik në bashkinë e Vorës. E kemi një eksperiencë në Tiranë. Qëllimi është ta aplikojmë votimin elektronik edhe në zgjedhjet e bashkisë Vorë, por do ta diskutojmë me partitë politike? deklaroi ai./CNA.al

Lajmet e fundit nga