SKANDALI në AKU/ Juristë me diplomë Kristali kontrollojnë sigurinë ushqimore

20 Janar 2022, 13:36, Denoncim CNA
SKANDALI në AKU/ Juristë me diplomë Kristali kontrollojnë

Ndodh edhe kështu. Mjafton ti përkasësh një force politike, partia të marrë tortë pushteti dhe me një diplomë nga universiteti skandaloz Kristal mund të bëhesh drejtor, pastaj pasi ikën nga drejtor bëhesh inspektor.

Qesharake, e pabesueshme por në Shqipëri duket se këto çmenduri janë rutinë e përditshme.

Pranë redaksisë të CNA.al kanë mbërritur disa denoncime në lidhje me inspektorët e institucioneve të ndryshme shtetërore, ku diplomimi i tyre nuk lidhet aspak me detyrën që ata mbajnë.

Pas verifikimit të bërë nga CNA.al rezulton se kontrolli ushqimor në doganën e Kapshticës është në dorën e një juristi me diplomë Kristali që më parë ka qenë drejtor.

Diplomohesh në Kristal të bën partia drejtor pastaj përfundon nga jurist në inspektor ushqimi. Inspektorët e ushqimit shkojnë avokatë e gjyqtarë e kështu me radhë.

Në pikën e kalimit të kufirit në Kapshticë ushqimet që konsumojnë shqiptarët i kontrollon një jurist. D.B. ish mbështetës i LSI dhe ish drejtues i AKU në Korçë tani për pazare politike si specialist ushqimi me diplomë juristi vlerëson produktet ushqimore.

Por jo çdo gjë mbyllet me kaq, ka edhe inspektorë me diplomë agronomë që emërohen nga Drejtoria e Përgjithshme e AKU si veterinerë. Nga jurist në inspektor ushqimi, nga agronomë në veterinerë, mirë që nuk çojnë ndonjë traktorist për specialist IT, megjithëse kjo është pak për qyfyret e AKU që nuk fillojnë e nuk mbarojnë në Kapshticë./CNA.al

Lajmet e fundit nga