Deri në -18 gradë celsius/ Mbrojtja Civile: Ja kur pritet të jetë kulmi i të ftohtit

20 Janar 2022, 19:29, Sociale CNA
Deri në -18 gradë celsius/ Mbrojtja Civile: Ja kur pritet të

Agjencia Kombëtare e Mbrojtjes Civile ka dalë me një reagim të rëndësishëm për qytetarët.

Përmes një njoftimi, AKMC shprehet se kulmi i temperaturave të ulëta pritet që të jetë ditën e hënë, ndaj u ka bërë thirrje qytetarëve që ndjekin të gjitha këshillat e shtabeve të emergjencave në bashkitë e vendbanimit.

“Siç raportojnë edhe meteorologët, pritet që ditët në vazhdim temperaturat në Shqipëri të zbresin deri në -18 gradë Celsius në zona si Bulqiza apo Puka, ndërsa termometri në Tiranë pritet të zbresë deri në -8 gradë Celsius, afër zeros edhe në zonat bregdetare si Durrësi, ndërsa në Vlorë priten temperature deri në -1 gradë Celsius.

Kulmi i temperaturave të ulta pritet të jetë dita e hënë.

Agjencia Kombëtare e Mbrojtjes Civile është në gatishmëri dhe në kontakt të vazhdueshëm me të gjitha njësitë vendore.

Për të shmangur situata të rënda, ndiqni të gjitha këshillat e shtabeve të emergjencave në bashkitë e vendbanimit tuaj”, thuhet në njoftim./CNA.al

Lajmet e fundit nga