Deputetët demokratë "braktisin" seancën parlamentare

17 Janar 2022, 16:34, Politikë CNA
Deputetët demokratë "braktisin" seancën parlamentare

Anëtarët e Komisionit të Rithemelimit kanë braktisur seancën parlamentare pasi kanë reaguar në lidhje me njoftmin e bërë nga kryeparlamentarja Lindita Nikolla, e cila ka prezantuar ndryshimet e bëra nga kryetari i shkarkuar Lulzim Basha.

Pas fjalës së tyre në Kuvend, Flamur Noka, Edmond Spaho, Tritan Shehu, Oerd bylykbashi, Belind Këlliçi kanë braktisur seancën parlamentare si një shenjë proteste.

Në një deklaratë për mediat, Flamur Noka është shprehur se kushdo që pretendon të emërojë pengun si përfaqësues të opozitës, e ka gabim.

PD është e gatshme për çdo përballje elektorale dhe për të fituar ato. PD-në e përfaqëson vetëm Komisioni i Rithemelimit. Ne flasim për demokraci e nuk flasim për diktaturë. Basha ka marrë vulë me qera. Demokratët nuk njohin pengun, por njohin të zgjedhurit e tyre me votë të lirë dhe demokratike. Kushdo që pretendon të emerojë pengun si përfaqësues të opozitës, e ka gabim”,- ka thënë ndër të tjera Flamur Noka./A.E-CNA.al

Lajmet e fundit nga