Luan Baçi sfidon Bashën/ Jam akoma kryetar i PD Fier

16 Janar 2022, 17:16, Politikë CNA
Luan Baçi sfidon Bashën/ Jam akoma kryetar i PD Fier

Deputeti Luan Baçi ka komentuar takimin e Lulzim Bashës në Fier, ndërsa ka akuzuar këtë të fundit se e bëri këtë lëvizje të qëllimshme për t?iu përgjigjur ish kryeministrit Sali Berisha.

Ndonëse Basha përmes një vendimi personal e shkarkoi Baçin si kryetar të PD Fier dhe komandoi në vend të tij Agron Kapllanajn, një të dënuar për vjedhje në Itali, deputeti thekson se ai vijon ta mbajë postin e tij dhe të drejtojë stukturat e kësaj force politike.

Ndër të tjera Baçi tha se në takimin e Bashës kishte dhe freshista të forumit rinor të PS.

?Unë vazhdojë të jem kryetar i degës së PD në Fier, strukturat drejtohen nga unë. Janë strukturat që përgatitën Kuvendin e 11 dhjetorit për degën e Fierit. Unë jam i zgjedhur nga një Kuvend i PD.  Ishte e qëllimshme zgjedhja e Fierit që Basha të bënte një takim. Njerëzit që ishin aty nuk kanë lidhje fare me strukturat. Takimi që u zhvillua është një shoë ashtu si Basha tani ka vendosur që të bëj disa veprime duke dashur që t?I përgjigjet lëvizjeve që bën Berisha Mund të them që kishte dhe freshista  aty brenda që janë anëtarë të forumit rinor të PS, dhe kanë marrë pjesë në takim?, tha ai.

Për Baçin, Basha me veprimet e tij është kthyer në një njeri qesharak.

?Nga Basha nuk mund të marrim asgjë seriozisht. Është kthyer në qesharak me veprimet e tij. Janë veprime vërtetë për të ardhur keq. Veprime që nuk mund t?i bënte një lider që ka pretenduar që të ishte kryeministër i Shqipërisë. Këtë mundësi e ka djegur përfundimisht?, deklaroi Baçi në një intervistë televizive.

Ai tha se në Fier Basha ishte i shoqëruar nga forcat e ndërhyrjes së shpejt dhe policia, ndërsa ka ngritur pikëpyetje se nga kush mund të ketë frikë Basha./CNA.al

Lajmet e fundit nga