web counter

E fundit!

Heronjtë janë portierët, Interi ngec në Bergamo ndaj Atalantës

16 Janar 2022, 21:56, Sport CNA
Heronjtë janë portierët, Interi ngec në Bergamo ndaj

Interi ndalet dhe nuk është një befasi, pasi përballë kishte Atalantën dhe ndeshja luhej në Bergamo. Kryendeshja e javës në Serie A përfundoi në barazim 0-0 dhe tani zikaltrit numërojnë vetëm dy pikë më shumë se Milani i vendit të dytë.

Atalanta kishte ndërtuar një strategji për të pritur Interin që kishte kontrollin e topit dhe sinjalin e parë e dha me Alexis Sanchez, por Musso e ndali mesfushorin nga Kili që goditi fort në hyrje të zonës.

Bergamaskët rrezikuan në fundin e pjesës së parë me Pessina, i cili me kokë u ndal nga portieri i Interit. Në fillim të pjesës së dytë sërish i njëjti lojtar u shfaq rrezikshëm me një super rast, por sërish Handanovic ishte vendimtar dhe e mbajti rrjetën të paprekur.

Dzeko ishte ai që tentoi golin për Interin, por nuk ia doli dot, sikurse edhe Pasalic për Atalantën që drithëroi tifozët zikaltër. Të njëjtën gjë bëri më pas edhe Muriel, kurse në fund D’Ambrosio kishte shansin t’i jepte fitoren, por nuk shënoi i vetëm me Musso.

Kështu  ky duel përfundoi në barazim pa gola dhe skuadrat morën vetëm nga një pikë, që nuk është se u shkon shumë për shtat për objektivat që kanë.

SERIE A – JAVA 22
Atalanta-Inter 0-0

Lajmet e fundit nga