Premier Liga
Trajneri nuk i kursen elozhet: Broja e dashuron ambientin te Southampton, të marrim vendimin e duhur për djaloshin
Armando Broja është padyshim futbollisti i momentit te skuadra e Sauthemptonit. Shqiptari i huazuar nga Çelësi, i ka mahnitur drejtuesit dhe tifozët me paraqitjet e tij mbresëlënëse, teksa të shumta kanë qenë elozhet e thurura për të në ditët e fundit.
“Ne do të mundohemi të gjejmë dakordësinë me lojtarin, agjentin dhe klubin e tij. Do të mundohemi të kuptojmë se çfarë kërkon lojtari, por edhe Chelsea. Broja e pëlqen shumë ambientin te Southampton, ai e shijon mirë”, u shpreh Husenhuttl për Brojën ditën e sotme.
Premier Liga
Çfarë po ndodh në botën e futbollit? Një tjetër shokim i madh, Aubameyang shfaq probleme me zemrën
Bota e futbollit po tronditet gjithmonë e më tepër në këto kohë. Pas asaj që ndodhi me Eriksen, të shumta janë rastet kur lojtarët kanë shfaqur të njëjtin problem. Aguero duhej të tërhiqej për probleme me zemrën, ndërsa edhe ylli i Bayern, Alphonso Davies, vuan të njëjtën gjë dhe do të mungojë për shumë gjatë.
Nuk mbyllet këtu, Gaboni ka dalë me një deklaratë se tre lojtarë të tyre nuk mund të luajnë pasi kanë probleme me zemrën. Bëhet fjalë për Axel Meye, Mario Lamina dhe ylli i Arsenalit, Aubameyang. Të tre lojtarët e kanë kaluar COVID dhe dolën nga izolimi, por vuajtjet nuk janë mbyllur ende.
Premier Liga
E bujshme, klube të mëdha europiane vihen pas Armando Brojës
Ka mjaftuar një gjysmë sezoni në Premier League dhe Armando Broja i ka dëshmuar të gjithëve se sa vlen. Sulmuesi shqiptar ka shënuar 5 gola në kampionat deri më tani dhe ka bindur Southampton-in për të synuar blerjen e kartonit të tij, shkruan Sport Ekspres. Me ardhjen e presidencës së re mundësitë ekonomike i lënë “shenjtorët” të besojnë për një mundësi të tillë, por gjithashtu janë të vetëdijshëm se nuk janë të vetëm në këtë garë.
Sipas asaj që bën me dije “Sky Sports”, Chelsea po shqyrton të gjitha pistat, duke qenë se ka shumë klube të tjera të interesuara të cilat kanë nisur që tani të pyesin për çmimin e kartonit të Armando Brojës. Media në fjalë zbulon se disa ekipe po mendojnë për transferimin e futbollistit kuqezi që në këtë muaj.
Premier Liga
Deklarata shokuese e Evrasë: Çdo ekip ka nga dy lojtarë homoseksualë
Ish-mbrojtësi francez, Patris Evra, ka bërë një deklaratë së fundmi, ku thotë se në çdo ekip ka nga dy lojtarë homoseksualë, por nuk tregojnë sepse më pas marrin fund. Për “Le Parisien”, Evra tha se gjatë karrierës së tij ka luajtur me disa lojtarë homoseksualë.
“Kur luaja në Angli, na sollën dikë që të fliste për homoseksualitetin në skuadër. Megjithatë disa nga lojtarët thanë se ishte kundër fesë dhe donin që të mos i kishim më në dhomat e zhveshjes, nëse ishte ndonjë lojtar i tillë.
Kam luajtur me disa futbollistë homoseksualë. Unë kam folur me ta dhe u hapën me mua, por kanë frikë që ta shprehin hapur. Në çdo ekip ka të paktën nga dy lojtarë homoseksualë, por në botën e futbollit nëse tregoni që jeni homoseksualë, atëherë keni marrë fund.”, u shpreh Evra.
